¿Hanja bi ñangä ma tehu̱ʼä Jesús nuʼbu̱ mi dü?

Nuʼä Adán ʼne Eva himbi ʼyo̱ʼtä bi xiʼä Ojäʼu̱. Nangeʼä ra ʼtsoki bi zogähu̱ʼu̱ di nʼu̱mbähu̱ ʼne di tühu̱.a Pe̱ hingä ga̱ʼtho bi mʼbe̱di nuʼbu̱ mi ʼyo̱ʼtä ʼtsokiʼu̱ Adán ʼne Eva. Geʼtho nuʼä Jeoba bi ünʼä ra teʼä na ʼTsu̱nʼtu̱ pa dä ñanju̱ nangeʼä ra ʼtsoki ʼne ra ndäte. Nuʼä Biblia üdi ge nuʼbu̱ mi düʼä Jesús bi gürkä ma ʼtsokihu̱ ʼne bi ñanju̱. Nuʼä, bi za̱ bi gürkä ma ʼtsokihu̱ geʼtho te ma ʼtsoki mi jaʼä (dä mi nu Mateo 20:28). Nuʼä Jesús mi sa̱hmä ge di mʼbu̱i pa nzäntho ua Ha̱i. Pe̱ bi ne bi ünhna te pa dä ñanju̱, nuʼbu̱ mi ünhna teʼä Jesús bi xokä ʼna ra ʼyü pa dä za̱ gä mʼbu̱hmu̱ pa nzäntho, bi ʼrakju̱ maho̱nʼä nuʼä ra mʼbu̱i bi ʼbe̱ʼu̱ Adán ʼne Eva. Nangeʼä bi ʼyo̱ʼtä Jesús bi ʼyürkähu̱ ge emme di huëgähu̱ʼä ʼne nuʼä Jeoba. Nuna ra nxa̱di dä ze̱ʼi ge emme gi ünnä jamädiʼä Jesús nange bi ünʼä na teʼä.

1. ¿ʼBe̱ʼä ma njäpi di hänhmu̱ nangeʼä ge bi ünʼä ra teʼä Jesús?

Nangeʼä ge ja ma ʼtsokihu̱ xi ngü ʼbe̱ʼä di o̱thu̱ ge hingi numanhoʼä Jeoba. Madageʼä ja ma ʼtsokihu̱ dä za̱ gä o̱thu̱ ma amigohu̱ʼä Jeoba. Pe̱ geʼbu̱ ge majuäni gä nyobënihu̱ nangeʼä ma ʼtsokihu̱ ʼne gä a̱pfu̱ pumbäteʼä Jeoba, ʼne nuʼä, di pungähu̱ nangeʼä Jesús. ʼNe kextä ja gä o̱thu̱ ʼtse̱di ge hingä thokju̱ gä o̱thu̱ yu̱ ʼtsoki (1 Juan 2:1). Nuʼä Biblia ëna: “ʼNeʼä ra Cristo bi nʼu̱mbi, ʼne njämʼbu̱ bi ʼyo̱tyu̱ ʼtsoki. Pe̱ ʼnandi thoho bi dü nange ma ʼtsokihu̱, gekju̱ yu̱ ʼtsomba̱ihu̱, geʼtho bi ne dä zixkähu̱ bu̱ bi ʼbu̱ʼä Ojä” (1 Pedro 3:18).

2. ¿ʼBe̱pu̱ di ze̱kju̱ nuʼu̱ yu̱ pa bä ëpu̱ nange bi ünhna teʼä Jesús?

Nuʼä Jeoba bä pe̱hnä na ʼTsu̱nʼtu̱ pa di ünʼä na te pa ʼnepu̱ya nuʼu̱ dä ʼyëʼkyëi hindä dü ʼne di nja ra te mazäi (Juan 3:16). Nangeʼä bi ʼyo̱ʼtä Jesús, nuʼä Jeoba ya mi ʼtsu̱tho dä ʼueʼkä ra nʼtso ge bi zogähu̱ʼä Adán. Nuna ne dä ma ge nuʼbu̱ gä ëʼkyëihu̱ʼä Jesús dä za̱ gä njohyahu̱ ʼne dä za̱ gä mʼbu̱hmu̱ pa nzäntho nubu̱ ʼna ra nhuädo̱ni ge di nja ga̱ʼtho ra noho ra Ha̱i (Isaías 65:21-23).

GÄ PÄHMU̱ MANʼNA NANGEHNA

3. Nangeʼä ge bi düʼä Jesús, dä ʼuegähu̱ ma ʼtsokihu̱ ʼne ra ndäte

BIDEO: ¿Hanja bi dü ä Jesús? (mu̱di xe̱ki) (2:01)

• ¿ʼBe̱ʼä bi ʼbe̱ʼä Adán nuʼbu̱ hinmi ʼyo̱ʼte nuʼä bi xiʼä Ojä?

Dä mi nuui Romanos 5:12 ʼne manhmi nangehna:

• ¿ʼBe̱ʼä ma hëi gi nu nangeʼä ra ʼtsokiʼä Adán?

Dä mi nuui Juan 3:16 ʼne manhmi nangehna:

• ¿Hanja nuʼä Jeoba bä pe̱hnä na ʼTsu̱nʼtu̱ ua Ha̱i?

1. Nuʼä Adán te ma ʼtsoki mi jaʼä, pe̱ nuʼbu̱ hinmi ʼyo̱ʼtä bi xiʼä Ojä, bi ʼyo̱ʼtä ʼtsoki ʼne bi zokpä yu̱ ʼtsoki ʼne ra ndäteʼu̱ yu̱ jäʼi.

2. Nuʼä Jesús te ma ʼtsoki mi jaʼä, bi ʼyo̱ʼtä bi xiʼä Ojä, nangeʼä bu̱ya bi xokä ra ʼyü pa ge te ma ʼtsoki di njaʼu̱ yu̱ jäʼi ʼne dä za̱ di mʼbu̱i pa nzäntho.

4. Ga̱ʼtho yu̱ jäʼi dä za̱ dä nu yu̱ njäpi nangeʼä ge bi ünʼä na teʼä Jesús

BIDEO: ¿Hanja bi dü ä Jesús? (yoho xe̱ki) (2:00)

• ¿Hanja bi za̱ ge ʼnatho ra nʼyohu̱ bi ñani ga̱ʼtho yu̱ jäʼi ge ʼbu̱kua ja nximha̱i?

Dä mi nuui 1 Timoteo 2:5, 6 ʼne manhmi nangehna:

• Nuʼä Adán te ma ʼtsoki mi jaʼä, pe̱ nuʼbu̱ mi ʼyo̱ʼtä ra ʼtsokiʼä, bi thokpä ga̱ʼthoʼu̱ yu̱ jäʼi nuʼä ra ʼtsoki ʼne ra ndäte. Pe̱ nuʼä Jesús te ma ʼtsoki mi jaʼä. Pe̱ ¿ʼbe̱ʼä bi ʼyo̱ʼtä Jesús pa dä gürkä ma ʼtsokihu̱?

5. Nuʼä ra te ge bi ünʼä Jesús, ʼna ra regalo ge bi ʼrakju̱ʼä Jeoba

Nuʼä ge bi ünnä teʼä Jesús, pa nangeʼu̱ yu̱ amigoʼä Jeoba tengü ʼna ra regaloʼä. Mba gä nuhu̱ ʼna ra ejemplo, dä mi nuui Gálatas 2:20 ʼne manhmi nangehna:

• ¿ʼBe̱ʼä bi manʼä Pablo ge üdi ge mi ünʼä jamädi nangeʼä ra te ge bi ünʼä Jesús?

Nuʼä Adán bi dü nangeʼä ra ʼtsoki bi ʼyo̱ʼte ʼne bi thokpäʼä ra ndäte ga̱ʼthoʼu̱ yu̱ jäʼi, nangeʼä ga̱ʼtho di tühu̱. Pe̱ nuʼä Jeoba bä pe̱nna ra ʼTsu̱nʼtu̱ ua Ha̱i pa di ünna te ʼne dä za̱ gi mʼbu̱i pa nzäntho.

Nuʼbu̱ gä ma nuya yu̱ bersikulo, dä mi bëni nuʼä ga̱ʼtho bi za̱ʼä Jeoba nuʼbu̱ mi hyandi ge mi pa ma u̱mbiʼä na ʼTsu̱nʼtu̱. Dä mi nuui Juan 19:1-7 ʼne 16-18, ʼne manhmi nangehna:

• ¿ʼBe̱ʼä gi mbëni nangeʼä bi ʼyo̱ʼtä Jeoba ʼne Jesús pa nangeʼi?

NUʼÄ MANʼNA JAʼTSE̱DI

Nangeʼä ge bi düʼä Jesús, nuʼä Jeoba dä za̱ di pungähu̱ ma ʼtsokihu̱ ʼne dä za̱ gä mʼbu̱hmu̱ pa nzäntho.

Nuʼä dä pähmu̱

• ¿Hanja bi düʼä Jesús?

• ¿Hanja geʼä ra teʼä Jesús bi za̱ bi güʼti nuʼä ra ʼtsoki?

• ¿ʼBe̱ʼä ma njäpi dä za̱ gi hyäni nangeʼä ge bi ünʼä na teʼä Jesús?

DÄ MI PÄDI MANʼNA

Dä mi pädi hanja ge nuʼä ra teʼä Jesús bi za̱ bi güʼtä ra ʼtsoki.

“¿Hanja bi za̱ bi ñani ga̱ʼtho yu̱ jäʼi nuʼä ra te bi ünʼä Jesús?” (Bä ʼyëpu̱ jw.org)

Dä mi pädi nuʼä dä za̱ gä o̱thu̱ pa dä za̱ gä ñanhmu̱ ma tehu̱.

“¿ʼBe̱pu̱ ngü di ñanju̱ʼä Jesús?” (Bä ʼyëpu̱ jw.org)

¿Ha di pumbäʼä Jeoba nuʼu̱ yu̱ ʼtsoki manʼna xi noho?

“Yu̱ nta̱nni nangeʼä Biblia” (La Atalaya, 1 mayo ge 2013)

Emme bi hyürpä ra mu̱i ʼna nʼyohu̱ nuʼbu̱ mi bädi nuʼä bi ʼyo̱ʼtä Jesús pa di ñangä ma tehu̱. Dä mi pädi nuʼä bi thogi.

“Nangeʼä ge dä päʼä Ojä, geʼä bi ʼrakä ʼtse̱diʼä” (La Atalaya, 15 mayo ge 2015)