NXA̱DI 46
¿Hanja ja gä da̱pfu̱ ma tehu̱ Ojä ʼne gä nxixñahu̱?
Nuʼbu̱ di da̱pfu̱ ma tehu̱ʼä Jeoba geʼbu̱ di o̱rpähu̱ ʼna orasion nubu̱ di xihmu̱ ge ho̱nse̱ʼä gä thännehu̱ ʼne nzäntho gä ʼbe̱ʼtobähu̱ nuʼä di manda nubu̱ ma mʼbu̱ihu̱ (Salmo 40:8). Nuʼbu̱ di nxixñahu̱ di üʼthu̱ʼu̱ miʼra ge ya dä dä̱pfu̱ ma tehu̱ʼä Ojä. Nuʼä thogi jaʼtse̱di o di muui ge gä o̱thu̱bu̱ ma mʼbu̱ihu̱, geʼä ge gä da̱pfu̱ ma tehu̱ʼä Ojä. Geʼä thogi emme di muuiʼä ge asta di pa̱rkä ma mʼbu̱ihu̱. ¿ʼBe̱ʼä dä ze̱ʼi ge gi ne gi däpni teʼä Jeoba?
1. ¿ʼBe̱ʼä dä ze̱kju̱ ge gä nehu̱ gä da̱pfu̱ ma tehu̱ʼä Jeoba?
Nuʼbu̱ majuäni di nehu̱ʼä Ojä geʼä dä ʼyo̱ʼte ge gä nehu̱ gä da̱pfu̱ ma tehu̱ʼä Jeoba (1 Juan 4:10, 19). Nuʼä Biblia ëna: “Dä mi ja ndümu̱i ge ma thogitho gi mähmu̱ [o gi nehu̱] Ojä ko ga̱ʼtho ni mu̱ihu̱. Ho̱nʼtä gi mbënhmu̱ʼä” (Marcos 12:30, OTN). Nangeʼä di o̱thu̱ o di manhmu̱ üdi geʼbu̱ majuäni di nehu̱ʼä Jeoba. Tengütho ʼra yu̱ nobio geʼbu̱ majuäni di ne o di nhuëki di nthäti, njarbu̱tho, geʼbu̱ majuäni di huëkju̱ o di nehu̱ Ojä gä da̱pfu̱ ma tehu̱ ʼne gä nxixñahu̱.
2. ¿ʼBe̱ʼä ma njäpi di ünʼä Jeoba pa nangeʼu̱ yu̱ testigo ge ya bi nxixña?
Nuʼbu̱ gä nxixña kextä gi o̱tni familiaʼä Jeoba, ʼne nuʼä na familiaʼä Jeoba nzäntho di johyaʼu̱. ʼNe nuʼbu̱ ya, manʼna gi nsixuiʼä Jeoba, geʼtho manʼna gi nu ge di ze̱ʼi ʼne njämʼbu̱ dä zoʼkätho (dä mi nu Malaquías 3:16-18). Gi ʼyo̱tni Taʼä Jeoba ʼne kextä di mʼbu̱i ʼna ni familia ga̱ʼthoua ra nximha̱i ge majuäni neʼä Ojä ʼne kextä dä huëʼkiʼi (dä mi nu Marcos 10:29, 30). Pe̱ ante gi nxixña mahyoni ge mʼbe̱ʼto gi pädi toʼoʼä Jeoba, gi huëki ʼne kextä gi ʼyüʼä nʼtëʼkyëi nangeʼä na ʼTsu̱nʼtu̱. ʼNe nubu̱ya, dä za̱ gi xiʼä Jeoba ge gi ne gi da̱pni te ʼne dä za̱ gi nxixña, ʼne mʼbe̱fa dä za̱ gi mʼbu̱i mazäi. Nubu̱ na Nhman Ojä ëna ge nuʼbu̱ gä nxixñahu̱ dä za̱ gä ñanhmu̱ ma tehu̱ (1 Pedro 3:21).
GÄ PÄHMU̱ MANʼNA NANGEHNA
Gä pähmu̱ hanja emme jaʼtse̱di ge gi da̱pni teʼä Jeoba ʼne gi nxixña.
3. ʼNa ngü ʼnaju̱ ja gä huanhnu̱ toʼo gä thännehu̱
Nuʼbu̱ mayaʼbu̱ nubu̱ hnini Israel xi ngü yu̱ jäʼi mi mbëni ge mi sa̱ dä dänneʼä Jeoba ʼne kextä mi sa̱ dä dänne Baal ʼna ʼra ojä hinmajuäni. Pe̱ hinmi po̱manho nuʼä mi mbënʼu̱. Janangeʼä, nuʼä Jeoba bi be̱nhni ʼna ra po̱ngähña o ʼna profeta ge na thü Elías pa dä ze̱di di pa̱hna nʼyomfëniʼu̱. Dä mi nuui 1 Reyes 18:21 ʼne manhmi nangehna:
¿ʼBe̱ʼä mi ja dä ʼyo̱ʼtu̱ yu̱ israelita?
Nuʼu̱ yu̱ israelita mi ja dä huanhni toʼo dä dänne, kextä ngürbu̱tho ja gä o̱thu̱ ya. Dä mi nuui Lucas 16:13 ʼne manhmi nangehna:
¿Hanja hingi sa̱ ge yoho hñu gä thännehu̱ ʼne kextä gä ne gä thännehu̱ʼä Jeoba?
¿ʼBe̱pu̱ dä za̱ gä üʼthu̱ʼä Jeoba ge geʼä dä huanhnu̱ gä thännehu̱ʼä?
4. Dä mi ʼyo̱rpä nʼyomfëni hangü di huëʼkiʼi o di mäʼä Jeoba
Emme xi ngü ʼbe̱ʼä xi ʼrakju̱ʼä Jeoba. Xi ya ¿ʼbe̱ʼä dä za̱ gä ünhnu̱ʼä? Dä mi nuui ä BIDEO.
¿ʼBe̱pu̱ xi ʼyüʼtäʼä Jeoba ge di huëʼkiʼi? Dä mi nuui Salmo 104:14, 15 ʼne 1 Juan 4:9, 10, ʼne manhmi nangehna:
Nangeʼä ga̱ʼthoʼu̱ yu̱ regalo xi ʼraʼä Jeoba, ¿ndaʼu̱ manʼna gi ünna jamädiʼä Jeoba nangeʼu̱ xi ʼrai?
Nuʼbu̱ gi o̱rpä nʼyomfëni nangeʼu̱ ga̱ʼthoʼu̱ yu̱ regalo xi ʼraʼä ä Jeoba, ¿ʼbe̱ʼä gi mbëni nangeʼä?
Nuʼbu̱ ʼbu̱ʼä bi ʼrakju̱ ʼna regalo ge emme di hohu̱, ¿ha hinmajuäni ge emme di ünhnu̱ jamädi nangeʼä xi ʼrakju̱? Dä mi nuui Deuteronomio 16:17 ʼne manhmi nangehna:
Nuʼbu̱ gä ʼyo̱rpä nʼyomfëni ga̱ʼthoʼä xi ʼraʼä ä Jeoba, ¿ha kextä jaʼä gi ne gi ünni? ¿ʼBe̱ʼä dä za̱ gi ünna Jeoba?
5. Nuʼbu̱ gä da̱pfu̱ ma tehu̱ʼä Jeoba emme xi ngü yu̱ njäpi gä hänhmu̱
Xi ngü yu̱ jäʼi mbëni ge nuʼbu̱ emme di nja yu̱ mbe̱ti o geʼbu̱ dä bo̱mbu̱ ja telebision o internet, geʼä dä ʼyo̱ʼte ge majuäni di njohyaʼu̱. Pe̱ ¿ha majuäniʼä? Dä mi nuui ä BIDEO ʼne manhmi nangehna:
Madägeʼä nuʼä ra kü emme mi ho di ʼñempelota, ¿hanja himbi thoki bi mpe̱fi ge di ʼñempelota?
Nuʼä kü bi da̱prä teʼä Jeoba ʼne himbi thoki bi mpe̱fi ge di ʼñempelota. ¿Ha gi mbëni ge xi nhoʼä bi ʼyo̱ʼte? ¿Hanja?
Ante ge di nʼyëʼkyëiʼä Pablo, mi ja ʼna ra ʼbe̱fi nubu̱ mi sa̱ dä dähä xi ngü mbe̱ti ʼne dä mbä ʼtëspi. Nuʼä, bi nxa̱hmi ʼna xa̱mbäte ge emme mi pa nʼtëspi ʼne mi xa̱mbäte nangeʼu̱ yu̱ nʼtëdi yu̱ judio. Pe̱ bi zogi ga̱ʼtho pa dä de̱nnä Cristo. ¿Ha bi nyobëni nangeʼä bi ʼyo̱ʼte? Dä mi nuui Filipenses 3:8 ʼne manhmi nangehna:
¿Hanja nuʼä Pablo bi ʼyëna ge ga̱ʼthoʼä ʼbe̱ʼä bi ʼyo̱ʼte ante di nʼyëʼkyëi te di muuiʼä?
¿ʼBe̱ʼä ma njäpi bi hyäni nangeʼä ga̱ʼthoʼä bi zogi?
¿Ha gi mbëni ge manʼna gi mʼbu̱manho geʼbu̱ gi ʼyo̱rpä na ʼbe̱fiʼä Jeoba? ¿Hanja?
Nuʼbu̱ mi nʼyëʼkyëiʼä Pablo manʼna xi ngü yu̱ njäpi bi hyäni ge dä geʼä bi zogi.
NUʼÄ ʼBE̱ʼÄ MANʼU̱ ʼRA YU̱ JÄʼI: “Po̱manho nuʼä mambu̱ Biblia, pe̱ hindä za̱ gä o̱ʼte ga̱ʼthoʼä manʼä Ojä”.
¿Ha gi ëʼkyëi ge po̱manho ge gi da̱pni teʼä Jeoba? ¿Hanja gi mbëni ngübu̱?
NUʼÄ MANʼNA JAʼTSE̱DI
Geʼbu̱ di nehu̱ʼä Jeoba, geʼä dä ʼyo̱ʼte gä ne gä da̱pfu̱ ma tehu̱ ʼne gä nxixñahu̱.
Nuʼä dä pähmu̱
¿Hanja ho̱nse̱ʼä Jeoba ja gä thännehu̱ ʼne gä nehu̱ ko ga̱ʼtho ma mu̱ihu̱?
¿ʼBe̱ʼä ma njäpi di ünʼä Jeoba pa nangeʼu̱ yu̱ Testigo ge ya bi nxixña?
¿Ha gi ne gi da̱pni teʼä Jeoba?
DÄ MI PÄDI MANʼNA
Dä mi pädi hanja ʼna ra dühü ʼne ʼna ra ʼñempelota bi da̱prä teʼä Jeoba.
Dä mi pädi ʼbe̱ʼä manʼna dä za̱ di jaʼi gi da̱pni teʼä Jeoba.
“¿Hanja ja gä da̱pfu̱ ma tehu̱ʼä Jeoba?” (La Atalaya, 15 enero ge 2010)
Dä mi hyanʼtä ʼna bideo nubu̱ üdi ge emme di johyaʼu̱ toʼo xi da̱pna teʼä Jeoba.
Dä mi pädi hanja ge ʼna xisu bi pa̱di ʼbe̱ʼä bi ʼbe̱ʼtobi nubu̱ ja ra mʼbu̱i, nubu̱ ëna “Xi ngü yu̱ je̱ya dä nʼa̱nni hanja di ʼbu̱hmu̱”.
“Nuʼä Biblia bi ze̱di pa di pa̱hyu̱ mʼbu̱iʼu̱” (La Atalaya, 1 nobiembre ge 2012)