NXA̱DI 60
Dä mi japi ge manʼna di nte ni nʼtëʼkyëi
Ya xä ngü xkä pädi nangeʼä Jeoba ko nangeʼä ni nxa̱di ge Biblia. Dä za̱tho nuya manʼna gi neʼä Jeoba ʼne asta ya gä da̱pni te ʼne gä nxixña. Pe̱ geʼbu̱ di ʼbe̱di gi nxixña, dä za̱tho ya xkä bëni gi nxixña. ʼNe nuʼbu̱ dä nxixñahu̱ emme jaʼtse̱di gä thoki gä o̱thu̱ ge di nte ma nʼtëʼkyëihu̱. ʼNe geʼä jaʼtse̱di gä o̱thu̱ʼä, gä japfu̱ di nte ma nʼtëʼkyëihu̱ pa nzäntho. Nuya gä pähmu̱ ʼbe̱ʼä dä za̱ gä o̱thu̱ pa di njabu̱.
1. ¿Hanja jaʼtse̱di gi thoki gi ʼyo̱tni amigoʼä Jeoba?
Emme jaʼtse̱di gä thoki gä nsixu̱ʼä Jeoba ʼne manʼna gä nehu̱. ¿Hanja ja gä o̱thu̱ ngübu̱? Pa ge njämʼbu̱ gä he̱hmu̱ʼä Jeoba ʼne te ʼbe̱ʼä dä ʼyo̱ʼte gä ʼuehmu̱ nangeʼä (Hebreos 2:1). ¿ʼBe̱ʼä dä ze̱kju̱ gä thokju̱ gä o̱thu̱ʼä na pa̱ha̱ʼä Jeoba? Emme jaʼtse̱di ge nzäntho gä predikahu̱ ʼne gä honhmu̱ ʼbe̱pu̱ manʼna dä za̱ gä fa̱xu̱ na ʼbe̱fiʼä Ojä (dä mi nu Filipenses 3:16). ¡Nuʼä ra ʼbe̱fi manʼna mahotho, geʼä ge gä o̱rpähu̱ na ʼbe̱fiʼä Jeoba! (Salmo 84:10).
2. ¿ʼBe̱ʼä ja gi thoki gi ʼyo̱ʼte?
Madägeʼä ya gä juadi gä nxa̱hna libro pe̱ hingi ne dä ma ge gepu̱ bi guaʼä ra ʼbe̱fi pa nangeʼä Jeoba, nuʼä ra ʼbe̱fi ja fu̱di. Nuʼä Biblia ëna ge ʼna ngü ʼnaʼu̱ yu̱ ʼyëʼkyëi ja dä pa̱hna nʼto̱ʼte pa ʼnepu̱ya nuʼä Jeoba manʼna dä numanho (Efesios 4:23, 24). Nuʼbu̱ gi thoki gi nxa̱ʼä na Nhman Ojä ʼne gi thoki gi mba yu̱ mpe̱ti, manʼna gi pädi nangeʼä Jeoba, nangeʼä na nʼyomfëni ʼne na nʼto̱ʼte. Dä mi ʼyo̱ʼtä ʼtse̱di ge gi hyäkpä na nʼyomfëniʼä Jeoba ʼne ngübu̱ nzäntho gi ʼyo̱ʼtä numanhoʼä ʼne gi johyabi na mu̱i.
3. ¿ʼBe̱pu̱ dä ze̱ʼä ä Jeoba pa manʼna di nte ni nʼtëʼkyëi?
Nuʼä Biblia ëna: “Pe̱ mʼbe̱ʼtothoho dä nʼu̱mbähu̱ʼtsu̱, ge di hogä ma mu̱ihu̱ Ojä, ʼne di hä ra ʼtse̱di ma mu̱ihu̱” (1 Pedro 5:10). Majuäni ge ga̱ʼtho di nuhu̱ yu̱ nʼtsa̱te, pe̱ nuʼä Jeoba nzäntho di ze̱kju̱ ʼne di ʼrakju̱ ra ʼtse̱di pa gä ha̱thu̱ (Salmo 139:23, 24). Nuʼä Jeoba di ʼrakju̱ na ʼtse̱di pa dä za̱ gä o̱rpähu̱ na ʼbe̱fi (dä mi nu Filipenses 2:13).
GÄ PÄHMU̱ MANʼNA NANGEHNA
Gä pähmu̱ ʼbe̱ʼä dä za̱ gä o̱thu̱ pa ge manʼna di nte ma nʼtëʼkyëihu̱ ʼne ndaʼu̱ yu̱ njäpi gä hänhmu̱ nuʼbu̱ gä o̱thu̱ ngübu̱.
4. Ogi he̱gi gi nzoʼä ni hogä amigo
Nuʼä xi ze̱ʼi gi ʼyo̱tni amigoʼä Jeoba geʼä ge gi nxa̱ʼä Biblia ʼne gi orabi. Nuʼbu̱ gi thoki gi ʼyo̱ʼtä ngübu̱, ¿ha manʼna dä ze̱ʼi gi nsixuiʼä Jeoba? ¿ʼBe̱pu̱ dä ze̱ʼi?
Dä mi nuui Salmo 62:8 ʼne manhmi nangehna:
Nuʼbu̱ gi orabiʼä Jeoba ʼne gi xifi ga̱ʼthoʼä gi mbëni manʼna gi nsixmanhouiʼä. ¿ʼBe̱pu̱ dä za̱ gi ʼyo̱ʼte ngübu̱?
Dä mi nuui Salmo 1:2 ʼne manhmi nangehna:
Nuʼbu̱ manʼna gi nxa̱ʼä Biblia geʼä dä ze̱ʼi ge manʼna gi nsixmanhouiʼä Jeoba. ¿ʼBe̱pu̱ dä za̱ gi ʼyo̱ʼte ngübu̱?
¿ʼBe̱ʼä dä ze̱ʼi ge manʼna gi nu yu̱ njäpi nuʼbu̱ gi nxa̱ʼä Biblia o gi o̱ʼtä ni estudio personal? Pa gi pädi ʼbe̱ʼä manʼna dä za̱ gi ʼyo̱ʼte, dä mi nuui ä BIDEO. ʼNe mʼbe̱fa manhmi nangehna:
Nangeʼu̱ o̱ʼtu̱ ʼra yu̱ kü nuʼbu̱ di nxa̱ʼä Biblia, ¿ʼbe̱ʼä gi ne gi hyäki?
¿ʼBe̱ʼä ma tema ge bä ʼyëpu̱ ja Biblia gi ne gi nxa̱di?
5. Dä mi bëni ʼbe̱pu̱ manʼna dä za̱ gi ʼyo̱rpä na ʼbe̱fiʼä Jeoba
Nuʼbu̱ gi honi ʼbe̱pu̱ manʼna dä za̱ gi ʼyo̱rpä na ʼbe̱fiʼä Jeoba, geʼä dä ze̱ʼi ge manʼna di nte ni nʼtëʼkyëi nangeʼä Jeoba. Dä mi nuui ä BIDEO ʼne manhmi nangehna:
¿ʼBe̱ʼä ma njäpi xi hyänʼä Cameron ge xi hyoni ʼbe̱pu̱ manʼna dä ʼyo̱rpä na ʼbe̱fiʼä Jeoba?
Dä za̱tho hingä ga̱ʼtho dä za̱ gä mba̱ha̱ miʼra yu̱ hnini pa gä ʼyombähu̱ na Nhman Ojä, pe̱ dä za̱ gä honhmu̱ ʼbe̱pu̱ manʼna dä za̱ gä o̱rpähu̱ na ʼbe̱fiʼä Jeoba. Dä mi nuui Proverbios 21:5 ʼne manhmi nangeʼu̱ miʼra yu̱ ʼbe̱fi dä za̱ gi ʼyo̱ʼte pa nangeʼä Ojä nubu̱...
... kongregasion.
... predikasion.
¿ʼBe̱pu̱ dä za̱ dä ze̱ʼi nuʼä nʼtsofo mambu̱ ja Biblia pa dä za̱ gi mpe̱fi manʼna pa nangeʼä Jeoba?
Nuʼä dä za̱ gi ʼyo̱ʼte
Manʼna gi orabiʼä Jeoba, gi xifi ga̱ʼtho ʼbe̱ʼä gi mbëni ʼne ʼbe̱ʼä gi sa̱.
Gi juadi gi ma ga̱ʼthoʼä Biblia.
Dä za̱ gi pädi xi nho ga̱ʼthoʼu̱ yu̱ kü ʼyobu̱ ja mpe̱ti.
Gi du̱ʼmi gi xa̱mbä Biblia ʼna jäʼi.
Dä za̱ gi du̱ʼmi gi mpe̱fi ge prekursor auxiliar o regular.
Nuʼu̱ yu̱ kü nʼyohu̱ dä za̱ di mpe̱fi ge sierbo ministerial.
6. ¡Dä mi njohya pa nzäntho!
Dä mi nuui Salmo 22:26 ʼne manhmi nangehna:
¿ʼBe̱ʼä dä za̱ gi ʼyo̱ʼte pa gi mʼbu̱i ʼne gi njohya pa nzäntho?
NUʼÄ MANʼNA JAʼTSE̱DI
Dä mi thoki gi hyoni ʼbe̱pu̱ manʼna dä za̱ gi ʼyo̱rpä na ʼbe̱fiʼä Jeoba ʼne ʼbe̱pu̱ dä za̱ manʼna di nte ni nʼtëʼkyëi ʼne manʼna gi nsixuiʼä Jeoba ¡Nuʼbu̱ gi ʼyo̱ʼte ngübu̱ dä za̱ gi njohya pa nzäntho!
Nuʼä dä pähmu̱
¿Hanja dä za̱ gi ka̱mfëni ge nuʼä Jeoba dä ze̱ʼi gi thoki gi ʼyo̱rpä na ʼbe̱fiʼä?
¿ʼBe̱ʼä dä za̱ gi ʼyo̱ʼte pa manʼna gi nsixmanhouiʼä?
¿Hanja jaʼtse̱di gi hyoni ʼbe̱pu̱ manʼna dä za̱ gi ʼyo̱rpä na ʼbe̱fiʼä Jeoba pa manʼna di nte ni nʼtëʼkyëi?
DÄ MI PÄDI MANʼNA
¿ʼBe̱ʼä manʼna di muui pa nangeʼä Jeoba: ge gä ha̱thu̱ ʼna nʼtsa̱te xi noho o ge gä o̱rpähu̱ na pa̱ha̱ ga̱ʼtho yu̱ pa ge gä mʼbu̱hmu̱?
Gä häkpähu̱ na nʼto̱ʼteʼä Abrahán ge njämʼbu̱ bi zoʼä Jeoba (9:20)
Asta ʼna ra ʼyëʼkyëi ge hingi ne dä zoʼä Jeoba dä za̱ dä ʼbe̱hna njohya ge o̱rpä na ʼbe̱fiʼä Jeoba. Dä mi pädi ʼbe̱ʼä dä za̱ gä o̱thu̱ nuʼbu̱ gä thohmu̱ ngübu̱.
ʼBe̱ʼä bi ze̱ki ge gä njohya maho̱nʼä ge gä o̱rpä na ʼbe̱fi Jeoba (5:25)
¿ʼBe̱ʼä dä za̱ gä o̱thu̱ pa manʼna gä o̱rpähu̱ na ʼbe̱fiʼä Jeoba?
“Gä honhmu̱ ʼbe̱pu̱ dä za̱ gä o̱rpähu̱ manʼna na ʼbe̱fiʼä Ojä” (La Atalaya, 15 julio ge 2004)
Dä mi pädi hanja emme jaʼtse̱di ge di nte ma nʼtëʼkyëihu̱ ʼne ʼbe̱ʼä dä za̱ gä o̱ʼthu̱.