NXA̱DI 32

¡Ya di mandaʼä ra ʼTsu̱ʼtabi Ojä!

Edición impresa

Nuʼä na ʼTsu̱ʼtabi Ojä bi mu̱di bi mandabu̱ mahëʼtsi nuʼä ra je̱ya 1914. Geʼtä ra je̱yaʼä bi mu̱ʼu̱ yu̱ nze̱gi yu̱ pa ge di mandaʼu̱ yu̱ ʼtsu̱ʼtabi ʼbu̱kua Ha̱i. ¿Hanja di manhmu̱ ngübu̱? Gä nuhu̱ nuʼä mambu̱ ja Biblia ge dä thogi, ʼne nuʼä o̱tyu̱ jäʼi ga̱ʼtho ra noho ra nximha̱i desde nuʼä ra je̱ya 1914.

1. ¿ʼBe̱ʼä xi manʼä Biblia ge dä thogi?

Nuʼä libro bi ʼyoʼtä Daniel mi mambu̱ ge nuʼä ra ʼTsu̱ʼtabiʼä Ojä dä mu̱di di manda nuʼbu̱ bi guaʼu̱ yu̱ pa ge ʼtëmbi “yoto yu̱ tiempo” (Daniel 4:16, 17). Mʼbe̱fa nuʼä Jesús bi ma nangehya yu̱ tiempo nuʼbu̱ mi ʼyënä ge geʼu̱ yu̱ tiempo ge bi ʼtsa̱mbäʼu̱ yu̱ hnini, ʼne bi ma ge tobe hinmi juaʼu̱ yu̱ tiempoʼu̱ (Lucas 21:24). Gä nuhu̱ ge nuʼu̱ yoto yu̱ tiempo bi guadi nuʼä je̱ya 1914.

2. Desde nuʼä je̱ya 1914 ¿ʼbe̱pu̱ xi mpa̱di nuna ra nximha̱i ʼne nuʼu̱ yu̱ nʼto̱ʼteʼu̱ yu̱ jäʼi?

Nuʼu̱ yu̱ disipulo bi ʼya̱nnä Jesús: “ʼBe̱ʼä ni hmepia [o ma nʼtüti] di njaʼbu̱ gua pengi maho̱nʼä ʼne ʼbu̱ ra nze̱gi ra pa” (Mateo 24:3). Nuʼä Jesús bi ma ge nuʼbu̱ bi mu̱di bi mandaʼä ra ʼTsu̱ʼtabi Ojä xi ngü ʼbe̱ʼä dä thogi. Tengü ge emme di nja yu̱ däsu̱i, ra thühü ʼne yu̱ nhuänha̱i (dä mi nu Mateo 24:7). Nuʼä Biblia kextä bi ma ʼbe̱pu̱ di ngü ra nʼto̱ʼteʼu̱ yu̱ jäʼi nuʼbu̱ na nze̱gi yu̱ pa ʼne nuʼä na nʼto̱ʼteʼu̱ geʼä dä ʼyo̱ʼte ge emme xtä nhëi yu̱ pa (2 Timoteo 3:1-5). Desde nuʼä ra je̱ya 1914, manʼna emme xi nʼtso na ʼto̱ʼteʼu̱ yu̱ jäʼi ʼne manʼna emme xi nhëi yu̱ pa di ʼbu̱hmu̱.

3. ¿Hanja manʼna xi nʼtsoua ra ximha̱i desde nuʼbu̱ mi mu̱di bi mandaʼä na ʼTsu̱ʼtabi Ojä?

Nuʼbu̱ hinnä yaʼä bi mu̱di bi mandaʼä Jesús nubu̱ mahëʼtsi bi nja ʼna ra däsu̱ibu̱, nuʼä Jesús bi nsu̱hmu̱ʼä Zithü ʼne nuʼu̱ yu̱ ʼtso anxe̱. Nuʼä Zithü bi ʼbe̱ʼä ra nsu̱i, ʼne nuʼä Biblia ma ge bä ʼte̱ngua Ha̱i ko nuʼu̱ yu̱ ʼtso anxe̱ (Apocalipsis 12:9, 10, 12). Nuʼä Zithü emme kue̱ geʼtho pädi ge ya hinmi gü yu̱ pa di mʼbu̱i. Janangeʼä, emme o̱tyu̱ nʼtso ʼne emme di u̱mbä yu̱ jäʼi. ¡Njabu̱ emme xi yükua yu̱ nʼtso ʼne yu̱ nʼu̱mbi ua ximha̱i! Pe̱ nuʼä na ʼTsu̱ʼtabi Ojä ya mi ʼtsu̱tho dä juadi ga̱ʼthoʼu̱ yu̱ nʼtso.

GÄ PÄHMU̱ MANʼNA NANGEHNA

Gä pähmu̱ ʼbe̱ʼä ürkähu̱ ge nuʼä na ʼTsu̱ʼtabi Ojä bi mu̱di bi manda nuʼä ra je̱ya 1914 ʼne gä pähmu̱ ʼbe̱ʼä ja gä o̱thu̱.

4. Nuʼu̱ yu̱ profesia bä ʼyëpu̱ ja Biblia bi nja nuʼä ra je̱ya 1914

Dä mi nuui ä BIDEO.

BIDEO: Nuʼä ra ʼTsu̱ʼtabi Ojä bi mu̱di bi manda nuʼä ra je̱ya 1914 (5:02)

Nuʼbu̱ mayaʼbu̱ nuʼä Ojä bi japi dä ʼuï ʼna ra ʼti nuʼä Nabucodonosor, nuʼä ʼtsu̱ʼtabi ge mi mandabu̱ ja dähnini Babilonia. Nuʼä bi ʼuïʼä Nabucodonosor ʼne nuʼä bi manʼä Daniel geʼä bi njabu̱ na ʼtsu̱ʼtabiʼä Nabucodonosor ʼne nuʼä bi nja nubu̱ na ʼTsu̱ʼtabiʼä Ojä (dä mi nuui Daniel 4:17).a

Dä mi nuui Daniel 4:20-26. Mʼbe̱fa dä mi hyandui yu̱ dibujo pa gi thähmiʼu̱ yu̱ nʼta̱nni:

(A) ¿ʼBe̱ʼä bi ʼuïʼä Nabucodonosor? (Dä mi nuui yu̱ bersikulo 20 ʼne 21).
(B) ¿ʼBe̱ʼä bi ʼto̱rpäʼä ra za? (Dä mi nuui ä bersikulo 23).
(C) ¿ʼBe̱ʼä mi ja dä thogi nuʼbu̱ mi guaʼu̱ “yoto yu̱ tiempo”? (Dä mi nuui ä bersikulo 26).

Nuʼä ra za bi ʼuïʼä Nabucodonosor ʼne nuʼä na ʼTsu̱ʼtabi Ojä

NUʼÄ RA PROFESIA (Daniel 4:20-36)

Nuʼbu̱ mi ʼtsu̱ʼtabi

• (A) ʼNa ra za emme xi nhëʼtsi

Bi ʼtse̱rpäʼä ra ʼtsu̱ʼtabi

• (B) “Dä mi ʼye̱xuiʼä ra za” ʼne gi hye̱hmi dä “thogi yoto yu̱ tiempo”

ʼNa ra du̱nza ge thünʼti kon yu̱ ʼte̱gi ge yerro ʼne kobre.

Bi nʼtsu̱ʼtabi maho̱nʼä

• (C) “Gi nʼtsu̱ʼtabi maho̱nʼä”

Na mu̱di ge bi njaʼä profesia:

(D) ¿Toʼoʼä ra za mambu̱ ja profesia? (Dä mi nuui ä bersikulo 22).
(E) ¿Hanja himbi thoki bi nʼtsu̱ʼtabiʼä Nabucodonosor? (Dä mi nuui Daniel 4:29-33).
(F) ¿ʼBe̱ʼä bi jaʼä Nabucodonosor nuʼbu̱ mi thoʼu̱ “yoto yu̱ tiempo”? (Dä mi nuui Daniel 4:34-36).

NA MU̱DI GE BI NJAʼÄ PROFESIA

Nuʼbu̱ mi ʼtsu̱ʼtabi

• (D) Nuʼä Nabucodonosor ʼtsu̱ʼtabibu̱ Babilonia

Nuʼä ʼTsu̱ʼtabi Nabucodonosor ʼma̱i ʼne di nʼyëʼtsi.

Bi ʼtse̱rpäʼä ra ʼtsu̱ʼtabi

• (E) Nuʼä Nabucodonosor bi mpumbëni nuʼä ra je̱ya 606 a.e.c. ʼne himbi za̱ bi nʼtsu̱ʼtabi yoto nje̱ya

Nuʼä ʼTsu̱ʼtabi Nabucodonosor sa yu̱ däpo tëngü yu̱ zate.

Bi nʼtsu̱ʼtabi maho̱nʼä

• (F) Nuʼä Nabucodonosor bi dämbëni ʼne maho̱nʼä bi nʼtsu̱ʼtabi

Nuʼä ʼTsu̱ʼtabi Nabucodonosor no̱smahëʼtsi ʼne di mbakna ʼye̱.

Na yondi ge bi njaʼä profesia:

(G) ¿Toʼoʼu̱ nja tengüʼä ra za? (Dä mi nuui 1 Crónicas 29:23).
(H) ¿Hanja himbi thoki bi nʼtsu̱ʼtabiʼu̱? ¿Hanja di pähmu̱ ge nuʼu̱, ya hinmi ʼtsu̱ʼtabiʼu̱ nuʼbu̱ mi mʼbu̱kua Ha̱iʼä Jesús? (Dä mi nuui Lucas 21:24).
(I)  ¿Njämʼbu̱ bi manda maho̱nʼä nuna ra ʼtsu̱ʼtabi ʼne hapu̱?

NA YONDI GE BI NJAʼÄ PROFESIA

Nuʼbu̱ mi ʼtsu̱ʼtabi

• (G) Nuʼä Ojä bi huanhni yu̱ israelita pa di mandabu̱ na ʼTsu̱ʼtabi

Xingüʼu̱ bi Nʼtsu̱ʼtabibu̱ hnini Israel. Ta̱ʼtä nyoʼtibu̱ hüdi ge ni ʼyëpu̱ mahëʼtsi.

Bi ʼtse̱rpäʼä ra ʼtsu̱ʼtabi

• (H) Nuʼä ra hnini Jerusalén bi mba ma juadi nuʼä ra je̱ya 607 a.e.c.; nuʼu̱ yu̱ ʼtsu̱ʼtabi israelita himbi manda 2,520 nje̱ya

Nuʼä je̱ya 607 ante di mʼbu̱ʼä cristo nuʼä ra hnini Jerusalén bi nzo̱. ʼNe nubu̱ya bi thogi 2.520 yu̱ je̱yaos.

Bi nʼtsu̱ʼtabi maho̱nʼä

• (I) Nuʼä ra je̱ya 1914 nuʼä Jesús bi mu̱di bi mandabu̱ na ʼTsu̱ʼtabiʼä Ojä

Nuʼä ra 1914, nuʼä Jesucristo bi mu̱di bi Ntsu̱ʼtabi desde mahëʼtsi. Ta̱ʼtä nyoʼtibu̱ hüdi.

¿Hangü yu̱ je̱ya di nthe̱uiʼu̱ yoto yu̱ tiempo?

Jaʼu̱ ʼra yu̱ xe̱ki ge mambu̱ ja Biblia ge di ze̱kju̱ gä pähmu̱ xi nho nuʼä bä ʼyëpu̱. Tengü, nubu̱ Apocalipsis ma ge hñu tiempo made di nthe̱ui 1,260 yu̱ pa (Apocalipsis 12:6, 14). ʼNe nuʼbu̱ gä pehmu̱ nyondi hñu tiempo made, di nthe̱ui yoto yu̱ tiempo, ge ne dä ma 2,520 yu̱ pa. Jaʼbu̱ ʼnandi nuʼä Biblia ma ge nuʼä ʼna ra pa di nthe̱ui ʼna je̱ya (Ezequiel 4:6). Njarbu̱thoʼu̱ yoto yu̱ tiempo ge mambu̱ ja na libroʼä Daniel, nuʼu̱ di nthe̱ui 2,520 yu̱ je̱ya.

5. Bi mpa̱ʼä nximha̱i nuʼä ra je̱ya 1914

Dä mi nuui ä BIDEO.

BIDEO: Bi mpa̱ʼä nximha̱i nuʼä ra je̱ya 1914 (1:10)

Nuʼä Jesús bi ma ʼbe̱ʼä di njaua ra nximha̱i nuʼbu̱ bi mu̱di bi mandaʼä. Dä mi nuui Lucas 21:9-11 ʼne manhmi nangehna:

Nangeʼä mambu̱ ja Biblia ʼbe̱ʼä xkä nu o ʼbe̱ʼä xkä ʼyo̱de ge thogi nuʼu̱ yu̱ pa jabu̱ya?

Nuʼä apostol Pablo bi ma ʼbe̱pu̱ di nja yu̱ nʼto̱ʼteʼu̱ yu̱ jäʼi nuʼbu̱ na nze̱gi yu̱ pa ge di mandase̱ʼu̱ yu̱ jäʼi. Dä mi nuui 2 Timoteo 3:1-5 ʼne manhmi nangehna:

¿Ha ngübu̱ gi nu ge o̱tyu̱ jäʼi tengü mambu̱ ja Biblia?

Yu̱ dibujo nangeʼu̱ thogi ge na nze̱gi yu̱ pa: 1. ʼna ra hmü dofu̱i di makna ʼye ʼne mbafi. 2. Yu̱ to̱kängü bi xoʼti nuʼbu̱ mi nja ʼna nhuämha̱i. 3. Yu̱ avión ge di ʼyonʼu̱ yu̱ dofu̱i. 4. Yu̱ jäʼi ʼyobu̱ ja calle ja na njoʼtäne. 5. Nuʼu̱ yu̱ Torres Gemelas ge Nueva York, bi nzo̱ geʼtho bi du̱ʼtu̱ yu̱ terrorista. 6. ʼNa nʼyohu̱ xiʼtä droga na jäʼi. 7. ʼNa ra nʼyohu̱ midrä ʼye̱ pa dä bu̱ʼtä na xisu ʼne mbaʼtä na xisu. 8. Di hye̱stätho yu̱ drogas ʼne yu̱ sëi. 9. Yoho yu̱ xisu ja yu̱ he ge emme mahotho ʼne ja yu̱ nfoʼye̱ ʼne yu̱ thebe ʼne jukyu̱ foto. 10. ʼNa disc jockey ka̱xiu̱ ʼbe̱i pa di hnehyu̱ jäʼi nubu konsierto. 11. ʼNa nʼyohu̱ e̱nʼä ʼna bomba molotov.

6. Dä mi ʼyüdi ge gi ëʼkyëi ge ya di mandaʼä na ʼTsu̱ʼtabi Ojä

Dä mi nuui Mateo 24:3, 14 ʼne manhmi nangehna:

¿ʼBe̱ʼä ma ʼbe̱fi pa nʼto̱ʼte ge üdi ge ya di manda ra ʼTsu̱ʼtabi Ojä?
¿ʼBe̱ʼä dä za̱ gi ʼyo̱ʼte pa gi fa̱ʼtsi nuna ra ʼbe̱fi?

Ya di manda na ʼTsu̱ʼtabi Ojä bu̱ mahëʼtsi, ʼne ya mi ʼtsu̱tho dä manda ga̱ʼtho ra noho ra nximha̱i. Dä mi nuui Hebreos 10:24, 25 ʼne manhmi nangehna:

¿ʼBe̱ʼä ja gä o̱thu̱ya ge di pähmu̱ ge di ʼbu̱hmu̱ na nze̱gi yu̱ pa?

Yu̱ dibujo: 1. ʼNa jäʼi hüpu̱ yu̱ mpe̱tiʼu̱ yu̱ testigoʼä Jeoba. 2. Nuʼä jäʼi di nxa̱ʼä Biblia kextä xiʼu̱ miʼra yu̱ jäʼi nuʼä päpu̱ ja Biblia . — ¿Ha hinmajuäni ge gi xiʼu̱ miʼra yu̱ jäʼi geʼbu̱ gi pädi nuʼä ʼbe̱ʼä di ze̱di pa dä ñanhna te?

NUʼÄ ʼBE̱ʼÄ MANʼU̱ ʼRA YU̱ JÄʼI: “¿Hanja nuʼu̱ yu̱ testigoʼä Jeoba nzäntho ma nangeʼä ra je̱ya 1914?”.

¿ʼBe̱ʼä gi thädi nuʼbu̱ dä siʼi ngübu̱?

NUʼÄ MANʼNA JAʼTSE̱DI

Nuʼä mambu̱ ja Biblia ʼne nuʼä di nuhu̱ua ja nximha̱i ürkähu̱ ge ya di manda na ʼTsu̱ʼtabi Ojä. Nuʼbu̱ di predikahu̱ nangeʼä na ʼTsu̱ʼtabi Ojä ʼne di pa̱ha̱bu̱ ja yu̱ mpe̱ti di ühmu̱ ge di ëʼkyëihu̱ ge ya di mandaʼä na ʼTsu̱ʼtabi Ojä.

Nuʼä dä pähmu̱

¿ʼBe̱ʼä bi nja nuʼbu̱ mi guaʼu̱ yoto yu̱ tiempo ge mambu̱ na libroʼä Daniel?
¿Hanja gi ëʼkyëi ge nuʼä na ʼTsu̱ʼtabiʼä Ojä bi mu̱di bi manda nuʼä ra je̱ya 1914?
¿ʼBe̱pu̱ dä za̱ gi ʼyüdi ge gi fa̱xä na ʼTsu̱ʼtabi Ojä?

Nuʼä ra pa gä juadi nuna nxa̱di:

Nuʼä dä za̱ gi ʼyo̱ʼte

Dä mi te̱nnu̱ yu̱ nʼtëdiʼä Ojä ʼne nuʼu̱ yu̱ nʼtsofo pa dä za̱ gi publikador ʼne gi ʼyombä na Nhman Ojä.

Nuʼä ʼbe̱ʼä manʼna dä za̱ gi ʼyo̱ʼte:

Your other goal

DÄ MI PÄDI MANʼNA

Dä mi pädi nuʼä manʼu̱ yu̱ bäsu̱kuä, ge ʼtëmbi historiador, ʼne nuʼä manʼu̱ miʼra yu̱ jäʼi nange ʼbe̱pu̱ xi mpa̱di nuna ra nximha̱i desde nuʼä ra je̱ya 1914.

“Nuʼu̱ yu̱ je̱ya ge manʼna xi nʼtso yu̱ nʼto̱ʼteʼu̱ yu̱ jäʼi” (¡Despertad!, abril ge 2007)

Dä mi pädi ʼbe̱pu̱ bi pa̱rpä ra mʼbu̱i ʼna nʼyohu̱ nuʼä mambu̱ Mateo 24:14.

“Emme mi ho gä nʼyënʼä beisbol” (La Atalaya, núm. 3 2017)

¿Hanja di pähmu̱ ge nuʼä mambu̱ kapitulo 4 ge Daniel ma nangeʼä na ʼTsu̱ʼtabi Ojä?

“¿Njämʼbu̱ bi mu̱di bi mandaʼä ra ʼTsu̱ʼtabi Ojä? (Ra mu̱di xe̱ki)” (La Atalaya, 1 oktubre ge 2014)

¿Hanja di ënhmu̱ ge nubu̱ libro Daniel kapitulo 4 ma ge nuʼu̱ “yoto yu̱ tiempo” bi guadi nuʼä ra je̱ya 1914?

“¿Njämʼbu̱ bi mu̱di bi mandaʼä ra ʼTsu̱ʼtabi Ojä? (Ra yoho xe̱ki)” (La Atalaya, 1 nobiembre ge 2014)

a Dä mi nxa̱di nuʼu̱ yu̱ nze̱gi yu̱ tema ge nuna nxa̱di, ge bä ʼyëpu̱ “Dä mi pädi manʼna”.