NXA̱DI 20
¿ʼBe̱ʼä o̱ʼtä Jeoba pa di ʼyonʼä na kongregasion?
Nuʼä Jeoba numanho ge ga̱ʼtho dä ʼyo na ʼyü nuʼä dä ʼto̱ʼte (1 Corintios 14:33). Janangeʼä, gese̱ʼä di nʼyonʼä na hnini ʼne ma nuʼä ja dä ʼto̱rbu̱. Pe̱, ¿ʼbe̱ʼä o̱ʼtä Jesús pa dä ʼyonʼä na hniniʼä Jeoba? ¿ʼBe̱ʼä dä za̱ gä o̱thu̱ pa ge ga̱ʼtho dä bo̱manho nuʼä dä ʼto̱rbu̱ ja mpe̱ti?
1. ¿Toʼo di ʼyonʼä na hniniʼä Ojä?
“Cristo i ʼbe̱ʼtobu̱ ʼbu̱hyu̱ ʼyëʼkyëi” (Efesios 5:23). Desde nubu̱ mahëʼtsi nuʼä Jesús, di ʼyonʼä ra ʼbe̱fi ʼto̱rbu̱ ja na hniniʼä Jeoba. Bi huanhni nuʼä “esclavo fiel y prudente”: ʼna ra ʼtu̱grupo ge ʼbe̱ʼtobu̱ ja na hniniʼä Jeoba, ge ʼtëmbi Cuerpo Gobernante (dä mi ma Mateo 24:45-47). Tengü mi o̱ʼtu̱ yu̱ apostol ʼne yu̱ ansiano mi ʼbu̱pu̱ Jerusalén nuʼbu̱ mayaʼbu̱, nuʼä Cuerpo Gobernante di ʼyonʼu̱ yu̱ mpe̱ti ge ja ga̱ʼtho ra noho ra ximha̱i (Hechos 15:2). Pe̱ nuʼu̱ yu̱ nʼyohu̱ʼu̱, hingä geʼu̱ yu̱ hmüʼu̱. Nuʼu̱, honʼä na mfa̱ʼtsiʼä Jeoba ʼne te̱nnä bä ʼyëpu̱ ja Biblia, ʼne kextä te̱nni ʼne ëspäʼä ra nʼtëdiʼä Jesús.
2. ¿ʼBe̱ʼä ma ʼbe̱fi o̱ʼtu̱ yu̱ ansiano ge ʼbe̱ʼtobu̱ ja yu̱ kongregasion?
Nuʼu̱ ʼbe̱ʼtobu̱ ja yu̱ kongregasion geʼu̱ ʼtëmbi yu̱ ansiano, nuʼu̱ üdi xi nho nuʼä bä ʼyëpu̱ ja Biblia, emme ja yu̱ nʼtëʼkyëiʼu̱, ʼne emme fa̱ʼtsi ʼne hürpä na mu̱iʼu̱ ʼyobu̱ ja yu̱ mpe̱ti. Hingi tähyu̱ nza̱biʼu̱ nangeʼä ra ʼbe̱fi o̱rbu̱ ja kongregasion. Nuʼu̱ o̱ʼte ko mpa̱ha̱tho nuʼä ra ʼbe̱fiʼä Ojä, hingi a̱ʼä mbe̱tiʼu̱ ʼne hingi ʼto̱ʼmi ge dä mba ma njüʼtiʼu̱ nangeʼä o̱ʼtu̱ (1 Pedro 5:1, 2). Nuʼu̱ yu̱ sierbo ministerial fa̱ʼtsi nuʼä ra ʼbe̱fi o̱ʼtu̱ yu̱ ansiano. Nuʼbu̱ dä ʼyo̱ʼte xi nho nuʼä na ʼbe̱fiʼu̱ yu̱ sierbo ministerial, mʼbe̱fa dä za̱ di ansianoʼu̱.
Nuʼä Cuerpo Gobernante di huanhni ʼra yu ansiano pa di mpe̱fi tengü superintendente ge sirkuito. Nuʼu̱ yu̱ küʼu̱, di bisita yu̱ mpe̱ti pa dä ze̱di ʼne dä hyürpä na mu̱iʼu̱ yu̱ kü. Geʼu̱ di huanhni yu̱ ansiano ʼne yu̱ sierbo ministerial ge di mpe̱pu̱ ja kongregasion. Pa ge ʼna kü dä za̱ di sierbo ministerial o di ansiano, jaʼtse̱di dä de̱nnu̱ yu̱ nʼtëdi ʼneʼu̱ yu̱ nʼtsofo bä ʼyëpu̱ ja Biblia (1 Timoteo 3:1-10, 12; Tito 1:5-9).
3. ¿ʼBe̱ʼä o̱ʼte ʼna ngü ʼnaʼu̱ yu̱ testigo?
Ga̱ʼthoʼu̱ yu̱ kü di thänneʼä Jeoba nuʼbu̱ pabu̱ ja yu̱ mpe̱ti, di thänne nuʼbu̱ tühü ʼne nuʼbu̱ ünʼä ʼna komentario nubu̱ ja mpe̱ti. Kextä di thänneʼä Jeoba nuʼbu̱ pa bi predikaʼu̱. ʼNa ngü ʼnaʼu̱ o̱ʼte nuʼä hangü sa̱ (dä mi ma Salmo 148:12, 13).
GÄ PÄHMU̱ MANʼNA NANGEHNA
Gä pähmu̱ ʼbe̱ʼä o̱ʼtä Jesús pa dä ʼyonju̱, ʼne kextä gä nuhu̱ ʼbe̱ʼä o̱ʼtu̱ yu̱ ansiano pa dä hyäkpä na hogä ejemploʼä Jesús ʼne ʼbe̱pu̱ dä za̱ ge ga̱ʼthogähu̱ ʼrarbu̱ gä pe̱hmu̱ʼä ʼne nuʼu̱ yu̱ ansiano.
4. Nuʼä Jesús ʼna ra hmü ge hürkä ma mu̱ihu̱
Nuʼä Jesús ne dä hyürkä ma mu̱ihu̱, janangeʼä xikju̱ nuʼä ʼbe̱ʼä ja gä o̱thu̱. Dä mi nuui Mateo 11:28-30 ʼne manhmi nangehna:
¿ʼBe̱pu̱ o̱ʼtä ra ʼbe̱fiʼä Jesús madägeʼä ra hmüʼä? ¿ʼBe̱ʼä gi mbëni nangeʼä ra ʼbe̱fi o̱ʼtä Jesús?
¿ʼBe̱ʼä o̱ʼtu̱ yu̱ ansiano pa dä hyäkpä na ejemploʼä Jesús? Dä mi nuui ä BIDEO.
Nubu̱ ja Biblia ma ʼbe̱pu̱ ja dä ʼyo̱ʼte yu̱ ʼbe̱fiʼu̱ yu̱ ansiano.
Dä mi nuui Isaías 32:2 ʼne 1 Pedro 5:1-3, ʼne manhmi nangehna:
¿ʼBe̱ʼä gi mbëni ge nuʼu̱ yu̱ ansiano häkpä na ejemploʼä Jesús ʼne ge di ze̱di ʼne hürpä na mu̱iʼu̱ yu̱ kü?
¿ʼBe̱ʼä manʼna o̱ʼtu̱ yu̱ ansiano pa dä hyäkpä na ejemploʼä Jesús?
5. Nuʼu̱ yu̱ ansiano hingä ho̱ntho ma nuʼä ja dä ʼto̱ʼte, kextä o̱ʼte nuʼä manʼu̱
Xiʼu̱ yu̱ ansiano, ¿ʼbe̱pu̱ ja dä nu nuʼä ra ʼbe̱fi o̱ʼtu̱? Dä mi nuui ä BIDEO.
Nuʼä Jesús bi ma ʼbe̱pu̱ ja dä ʼyo̱ʼte na ʼbe̱fiʼu̱ yu̱ kü ge ʼbe̱ʼtobu̱ ja kongregasion. Dä mi nuui Mateo 23:8-12 ʼne manhmi nangehna:
Nangeʼä mambu̱ ja Biblia, ¿ʼbe̱pu̱ ja dä ʼyo̱ʼte na ʼbe̱fiʼu̱ yu̱ ansiano? ¿Ha gi mbëni ge nuʼu̱ yu̱ ma̱kjä o nuʼu̱ miʼra ge ʼbe̱ʼtobu̱ ja yu̱ nijä o̱ʼte na ʼbe̱fi tengü mambu̱ ja Biblia?
Nuʼu̱ yu̱ ansiano emme di nxa̱di pa manʼna di nja na nʼtëʼkyëi nangeʼä Jeoba ʼne kextä di ze̱di nuʼu̱ yu̱ familia ge dä ʼyo̱ʼte ngübu̱.
Nuʼu̱ yu̱ ansiano emme tü yu̱ mu̱i ʼne emme u̱rpä gue̱nda ʼna ngü ʼnaʼu̱ yu̱ kü ge ʼyobu̱ ja yu̱ kongregasion.
Nuʼu̱ yu̱ ansiano nzäntho di predika.
Nuʼu̱ yu̱ ansiano hingä ho̱ntho xa̱mbäʼu̱ miʼra, kextä di ze̱di ge dä ʼberpu̱ ja yu̱ ngümpe̱ti ʼne kextä o̱ʼte miʼra yu̱ ʼbe̱fi.
6. ʼRarbu̱ gä pe̱hmu̱ nuʼu̱ yu̱ ansiano
Nubu̱ ja Biblia ma hanja ja ʼrarbu̱ gä mpe̱hmu̱ʼu̱ yu̱ ansiano. Dä mi nuui Hebreos 13:17 ʼne manhmi nangehna:
¿Hanja nubu̱ ja Biblia ma ge ja gä ëspähu̱ ʼne gä o̱thu̱ nuʼä xikju̱ʼu̱ ʼbe̱ʼtobu̱ ja kongregasion? ¿Ha gi ëʼkyëi ge po̱manho nuʼä mambu̱ ja Biblia? ¿Hanja?
Dä mi nuui Lucas 16:10 ʼne manhmi nangehna:
¿Hanja jaʼtse̱di gä fa̱xu̱ʼu̱ yu̱ ansiano madägeʼä jaʼbu̱ di mbënhmu̱ ge e̱mme jaʼtse̱di nuʼä manʼu̱?
NUʼÄ ʼBE̱ʼÄ MANʼU̱ ʼRA YU̱ JÄʼI: “Hingä mbo̱ʼä gä mba ʼna nijä”.
¿ʼBe̱ʼä ma nho di nuhu̱ nuʼbu̱ di thännehu̱ʼä Ojä nubu̱ ja kongregasion?
NUʼÄ MANʼNA JAʼTSE̱DI
Geʼä Jesús di ʼyonʼu̱ yu̱ mpe̱ti. Nuʼu̱ yu̱ ansiano o̱ʼte nuʼä di mandaʼä Jesús ʼne nuju̱ di johyahu̱ ge ʼrarbu̱ di mpe̱hmu̱ʼu̱, ʼne hingä ho̱ntho xikju̱ nuʼä ja gä o̱ʼthu̱ kextä o̱ʼze̱he̱ nuʼä manʼu̱.
Nuʼä dä pähmu̱
¿Toʼoʼä di ʼyoni o ʼbe̱ʼtobu̱ ja kongregasion?
¿ʼBe̱ʼä o̱ʼtu̱ yu̱ ansiano pa dä fa̱xu̱ yu̱ kongregasion?
¿ʼBe̱ʼä ma ʼbe̱fi ja dä ʼyo̱ʼte ʼna ngü ʼnaʼu̱ yu̱ me̱fi Jeoba ge pabu̱ ja yu̱ mpe̱ti?
DÄ MI PÄDI MANʼNA
Dä mi nubu̱ ja bideo ge nuʼu̱ Cuerpo Gobernante ʼne nuʼu̱ miʼra yu̱ ansiano emme di huëki ʼne tü yu̱ mu̱i nangeʼu̱ yu̱ kü ge ʼyobu̱ ja mpe̱ti.
Dä mi pädi nangeʼä ra ʼbe̱fi o̱ʼtu̱ yu̱ superintendente ge sirkuito.
Nuʼä ʼbe̱fi o̱ʼtä ʼna superintendente ge sirkuito nubu̱ ja ʼna ʼtu̱hnini (4:51)
Dä mi pädi ʼbe̱ʼä ma ʼbe̱fi o̱ʼte nuʼu̱ yu̱ xisu ʼyobu̱ ja mpe̱ti.
“Xiʼu̱ yu̱ xisu ge testigo ä Jeoba, ¿ʼbe̱ʼä ma ʼbe̱fi o̱ʼtu̱?” (La Atalaya, 1 septiembre ge 2012)
Dä mi pädi ʼbe̱ʼä o̱ʼtu̱ yu̱ ansiano pä dä hyürpä na mu̱iʼu̱ yu̱ kü.
“Nuʼu̱ yu̱ ansiano di ze̱kju̱ pa gä njohyahu̱” (La Atalaya, 15 enero ge 2013)