NXA̱DI 24
¿ʼBe̱ʼä manʼä Biblia nangeʼu̱ yu̱ anxe̱?
Nuʼä Jeoba ne ge gä pähmu̱ʼä na familia ge bi ʼbu̱h mahëʼtsi. Nuʼä na familia ge bi ʼbu̱pu̱ mahëʼtsi geʼu̱ yu̱ anxe̱, kextä ʼtëmbi ge na ʼtsu̱nʼtu̱ Ojäʼu̱ (Job 38:7). ¿ʼBe̱ʼä ürkähu̱ Biblia nangeʼu̱ yu̱ anxe̱? ¿ʼBe̱ʼä o̱ʼtu̱ yu̱ anxe̱? ¿Ha ga̱ʼtho yu̱ anxe̱ na familia Ojäʼu̱?
1. ¿Toʼoʼu̱ yu̱ anxe̱?
Nuʼä Jeoba mu̱di bi hoʼku̱ yu̱ anxe̱ ante ge dä hoʼkä ra Ha̱i. Hingi sa̱ gä nuhu̱ʼu̱ yu̱ anxe̱, nuʼu̱ bi ʼbu̱pu̱ mahëʼtsi (Hebreos 1:14). Yu̱ miyonetho yu̱ anxe̱ ʼbu̱i ʼne di hye̱ʼtsi ʼna ngü ʼnaʼu̱ (Apocalipsis 5:11). Nuʼu̱ yu̱ anxe̱ o̱ʼte nuʼä di mandaʼä Jeoba (Salmo 103:20). Nuʼbu̱ mayaʼbu̱, nuʼä Jeoba bi me̱nhni yu̱ anxe̱ pa dä hyäxu̱ yu̱ mensaje ʼne pa dä ze̱di ʼne dä ñanʼä na hniniʼä Jeoba. Nuʼu̱ yu̱ pa di ʼbu̱hmu̱ ya, nuʼu̱ yu̱ anxe̱ kextä di ze̱ʼu̱ yu̱ ʼyëʼkyëi pa dä za̱ dä dinʼu̱ yu̱ jäʼi ge ne dä bädi manʼna nangeʼä Ojä.
2. ¿Toʼoʼä Zithü ʼne toʼoʼu̱ yu̱ ʼtso anxe̱?
ʼBu̱ʼu̱ ʼra yu̱ anxe̱ ge bi hye̱gi ge bi ’yo̱ʼte na pa̱ha̱ʼä Jeoba. Nuʼä na mu̱di ge bi zoʼä Ojä ʼne ya himbi thoki bi ʼyo̱rpä na pa̱ha̱, geʼä ʼna ra ʼtso anxe̱ ge na thü Zithü o Diablo, nuʼä, ha̱ʼti ga̱ʼtho yu̱ jäʼi ge ʼbu̱kua Ha̱i (Apocalipsis 12:9). Nuʼä Zithü mi ne ge di nja ra nʼtëdi o di manda tengüʼä Jeoba, nangeʼä bi hya̱ʼtä Adán ʼne Eva pa ge nuʼu̱ dä de̱nni. ʼNe kextä bi hya̱ʼtu̱ ʼra yu̱ anxe̱. Nuʼu̱ yu̱ anxe̱ ge bi de̱nʼä Zithü, o bi fa̱xä Zithü, ʼtëmbi yu̱ ʼtso anxe̱ʼu̱. Nuʼä Jeoba bä e̱ngua ha̱iʼu̱ yu̱ ʼtso anxe̱, pe̱ mi ’tsu̱tho nuʼä Ojä dä juaʼu̱. (dä mi nu Apocalipsis 12:9, 12).
3. ¿ʼBe̱pu̱ ne dä hya̱kju̱ʼä Zithü ʼne nuʼu̱ yu̱ ʼtso anxe̱?
Nuʼä Zithü ʼne nuʼu̱ yu̱ ʼtso anxe̱ o̱ʼte ge xi ngü yu̱ jäʼi dä ʼyëʼkyëiʼu̱ yu̱ bädi ʼne gese̱ʼu̱ yu̱ ʼtso anxe̱ o̱rpä yu̱ nʼtsoʼu̱ yu̱ jäʼi. Tengü, ʼbu̱ʼu̱ ʼra yu̱ jäʼi di ho dä ma o dä ʼyo̱de yu̱ oroskopo, o a̱nnu̱ yu̱ jäʼi ge honyu̱ so̱ pa dä bädi nuʼä da thogi, honʼu̱ yu̱ bädi, o honi ʼbe̱pu̱ di ñahu̱ʼu̱ xi ndü. ʼNe ʼbu̱hyu̱ jäʼi ge o̱tyu̱ mfu̱ki o nuʼbu̱ xi nʼu̱ pabu̱ ʼbu̱ʼu̱ yu̱ bädi pa di nʼyo̱the. ʼBu̱ʼu̱ yu̱ jäʼi ge honi ʼbe̱pu̱ di ñahu̱ʼu̱ xi ndü. Pe̱ nuʼä Jeoba ënju̱: “Hingi mba ba honhmu̱ nuʼu̱ ñahu̱ʼu̱ xi ndü ʼne hingi hyonhmu̱ʼu̱ yu̱ bädi” (Levítico 19:31). Nuʼä Jeoba ne ge di jamansüju̱ nangeʼä Zithü ʼne nuʼu̱ yu̱ ʼtso anxe̱ geʼtho na nsu̱ihu̱ʼu̱, ʼne nuʼu̱ yu̱ ʼtso anxe̱ ʼne dä ʼyo̱rkähu̱ yu̱ nʼtso.
GÄ PÄHMU̱ MANʼNA NANGEHNA
Gä pähmu̱ nuʼä o̱ʼtu̱ yu̱ anxe̱ʼä Ojä ʼne hanja emme nʼtsütho ʼne xi nʼtso ge gä honhmu̱ʼu̱ yu̱ ʼtso ndähi o yu̱ ʼtso anxe̱. Kextä gä pähmu̱ ʼbe̱pu̱ dä za̱ gä njamansühu̱ nangeʼä Zithü ʼne nuʼu̱ yu̱ ʼtso anxe̱.
4. Nuʼu̱ yu̱ anxe̱ di ze̱ʼu̱ yu̱ jäʼi pa dä bäʼä Jeoba
Nuʼu̱ yu̱ anxe̱ʼä Ojä hindi predikabi yu̱ jäʼi nubu̱ hapu̱ ʼbu̱i, pe̱ di ze̱ʼu̱ yu̱ me̱fi Ojä pa dä dinʼu̱ yu̱ jäʼi ge majuäni ne dä bädi nangeʼä Ojä. Dä mi nuui Apocalipsis 14:6, 7 ʼne manhmi nangehna:
¿Hanja di honhmu̱ na mfa̱ʼtsiʼu̱ yu̱ anxe̱ nuʼbu̱ di ʼyombähu̱ na Nhman Ojä?
¿Ha gi johya ge nuʼu̱ yu̱ anxe̱ di ze̱ʼi ge gi tinʼu̱ yu̱ jäʼi ge ne dä bädi nangeʼä Ojä? ¿Hanja?
5. Ogi honʼu̱ yu̱ bädi ʼne nuʼä ʼbe̱ʼä miʼra o̱ʼtä Zithü ʼne’u̱ yu̱ ʼtso anxe̱
Nuʼä Zithü ʼne nuʼu̱ yu̱ ʼtso anxe̱ na nsu̱iui Jeobaʼu̱ ʼne kextä ma nsu̱ihu̱ʼu̱. Dä mi nuui Lucas 9:38-42 ʼne manhmi nangehna:
¿ʼBe̱ʼä ma nʼtso o̱rpä yu̱ jäʼiʼu̱ yu̱ ʼtso anxe̱?
Hindi nepfu̱ ge dä yu̱rbu̱ ma ngünhmu̱ʼu̱ yu̱ ʼtso anxe̱ o yu̱ ʼtso ndähi ʼne hindi nehu̱ ge dä ʼtsongähu̱ ma mʼbu̱ihu̱. Dä mi nuui Deuteronomio 18:10-12 ʼne manhmi nangehna:
¿ʼBe̱pu̱ ne dä hya̱kju̱ʼu̱ yu̱ ʼtso anxe̱? ¿ʼBe̱ʼä ëʼkyëi yu̱ jäʼi nubu̱ gi ʼbu̱i nangeʼä Zithü ʼne nangeʼu̱ yu̱ ʼtso anxe̱?
¿Ha gi o̱manho nuʼä manʼä Ojä ge ëna ge hingi ho gä honhmu̱ʼu̱ yu̱ bädi ʼne ga̱ʼtho ʼbe̱ʼä miʼra ge o̱ʼtu̱ yu̱ ʼtso anxe̱? ¿Hanja?
Dä mi nuui ä BIDEO ʼne manhmi nangehna:
¿Ha gi ëʼkyëi ge nʼtsütho nuʼä mfoʼye̱ mi o na ʼye̱ʼä na ʼue̱reʼä Palesa? ¿Hanja?
¿ʼBe̱ʼä bi ʼyo̱ʼtä Palesa pa di njamansü o di mfa̱di nangeʼu̱ yu̱ ʼtso anxe̱?
Nuʼu̱ yu̱ ʼyëʼkyëi majuäni hingi honhyu̱ bädiʼu̱, geʼtho geʼu̱ yu̱ ʼtso anxe̱ di mfa̱xu̱ʼu̱. Dä mi nuui Hechos 19:19 ʼne 1 Corintios 10:21, ʼne manhmi nangehna:
¿Hanja emme jaʼtse̱di gi xe̱ni o gi thu̱ti ho̱nʼtä go ʼbe̱ʼä ge gi pe̱ʼtsi ge na mbe̱tiʼä Zithü?
6. Gi njamansü o gi mfa̱di nangeʼä Zithü ʼne nangeʼu̱ yu̱ ʼtso anxe̱
Nuʼä Zithü geʼä na hmüʼu̱ yu̱ ʼtso anxe̱. Pe̱ nuʼu̱ yu̱ anxe̱ʼä Ojä, te̱nnä ra arkanjel Miguel, ge geʼtä Jesús. ¿Hangü na ʼtse̱di jaʼä Miguel? Dä mi nuui Apocalipsis 12:7-9 ʼne manhmi nangehna:
¿Toʼoʼu̱ manʼna ja ra ʼtse̱di, ha geʼä Miguel ʼne nuʼu̱ yu̱ anxe̱ o nuʼä Zithü ʼne nuʼu̱ yu̱ ʼtso anxe̱?
Xiʼu̱ yu̱ ʼyëʼkyëi, ¿ha ja dä züʼä Zithü ʼne nuʼu̱ yu̱ ʼtso anxe̱?
Nuʼi dä za̱ gi njamansü o gi mfa̱di nangeʼä Zithü ʼne nuʼu̱ yu̱ ʼtso anxe̱. Dä mi nuui Santiago 4:7 ʼne manhmi nangehna:
¿ʼBe̱pu̱ dä za̱ gi njamansü o gi mfa̱di nangeʼä Zithü ʼne nuʼu̱ yu̱ ʼtso anxe̱?
NUʼÄ ʼBE̱ʼÄ MANʼU̱ ʼRA YU̱ JÄʼI: “Hingi ʼtso di nʼyënʼä ʼna o dä nu ʼna yu̱ pelikula ge nʼyoui majia o ge di ñahu̱ ʼna nuʼu̱ yu̱ ndähi o yu̱ espiritu. ʼNa ra nʼtënithoʼä”.
¿Hanja ge nʼtsütho ge gä mbënhmu̱ ngübu̱?
NUʼÄ MANʼNA JAʼTSE̱DI
Nuʼu̱ yu̱ anxe̱ Jeoba di ze̱kju̱ʼu̱. Nuʼä Zithü ʼne nuʼu̱ yu̱ ʼtso anxe̱ na nsu̱ihu̱ Jeobaʼu̱, ʼne nuʼu̱ honʼu̱ yu̱ bädi ʼne ho̱nʼtä go ʼbe̱ʼä o̱ʼte pa dä ha̱tyu̱ jäʼi.
Nuʼä dä pähmu̱
¿ʼBe̱ʼä o̱ʼtu̱ yu̱ anxe̱ pa dä ze̱ʼu̱ yu̱ jäʼi dä bäʼä Jeoba?
¿Toʼoʼä Zithü ʼne toʼoʼu̱ yu̱ ʼtso anxe̱?
¿Hanja hingi ho ge gi ne gi hyonʼu̱ yu̱ bädi ʼne ga̱ʼtho ʼbe̱ʼä manʼna o̱ʼtu̱ yu̱ ʼtso anxe̱?
DÄ MI PÄDI MANʼNA
Dä mi pädi hanja nuʼä Jesús geʼä ra hmü anxe̱ Miguel o ge kextä ʼtëmbi arkanjel.
Dä mi pädi ʼbe̱ʼä üdi ge majuäni ʼbu̱ʼä Zithü.
Dä mi pädi ʼbe̱ʼä bi ʼyo̱ʼtä ʼna xisu pa ge nuʼu̱ yu̱ ʼtso anxe̱ hindä thoki di pidi.
“Bi bädi nuʼä mi ja dä ʼyo̱ʼte pa dä za̱ di mʼbu̱manho” (La Atalaya, 1 julio ge 1993)
Dä mi pädi ʼbe̱ʼä o̱ʼtä Zithü pa dä hya̱ʼtu̱ yu̱ jäʼi nangeʼu̱ yu̱ bädi ʼne nuʼä manʼna o̱ʼtu̱ yu̱ ʼtso anxe̱.