NXA̱DI 34
¿ʼBe̱pu̱ dä za̱ gä ühmu̱ ge di nehu̱ʼä Jeoba?
¿Ha gi mbëni ge manʼna xkä hya̱nʼä Ojä nuya ge gi nxa̱ʼä Biblia? ¿Ha gi ne ge manʼna gi nsixuiʼä Jeoba ʼne njämʼbu̱ gi hye̱gi ge gi o̱tni amigo? Nuʼbu̱ manʼna gi neʼä Jeoba kextä nuʼä manʼna dä neʼi ʼne dä jamansüi. ¿ʼBe̱pu̱ dä za̱ gi ʼyüdi ge gi neʼä Jeoba?
1. ¿ʼBe̱pu̱ di ühmu̱ ge di nehu̱ʼä Jeoba?
Di ühmu̱ ge di nehu̱ʼä Jeoba nuʼbu̱ di te̱nhnu̱ʼu̱ yu̱ nʼtëdi (dä mi nu 1 Juan 5:3). Nuʼä Jeoba njoʼo toʼo di ʼbe̱pi o njoʼo toʼo o̱rpä ʼtse̱di ge dä de̱nnu̱ yu̱ nʼtëdi. Nuʼä, ne ge gä huanhnu̱ze̱he̱ geʼbu̱ gä o̱thu̱ na pa̱ha̱. ¿Hanja? Geʼtho nuʼä Jeoba ne ge ko mpa̱ha̱thoho gä te̱nhnu̱ʼu̱ yu̱ nʼtëdi (Romanos 6:17). Nuʼä Jeoba ne ge gi ʼyo̱rpä na pa̱ha̱ geʼtho majuäni gi ne, ʼne hingä geʼtho ʼbu̱ʼä toʼo di ʼbe̱ʼpiʼi. Nuʼu̱ yu̱ xe̱ki 3 ʼne 4 ge nuna libro dä ze̱ʼi ge gi ʼyüdi ge majuäni gi neʼä Jeoba: gi pädi ʼbe̱pu̱ dä za̱ gi ʼyo̱ʼte nuʼä numanho ʼne nuʼä hingi numanhoʼä Jeoba.
2. ¿Hanja jaʼbu̱ xi nhëi ge gä ühmu̱ ge di nehu̱ʼä Jeoba?
Nuʼä Biblia ma ge nuʼu̱ yu̱ jäʼi ge o̱ʼte nuʼä xi nho emme nu yu̱ nhëiʼu̱ (Salmo 34:19). Nuʼbu̱ di thohmu̱ yu̱ nhëi geʼbu̱ di hëmpfu̱ gä o̱thu̱ nuʼä numanhoʼä Jeoba. Tengü, jaʼbu̱ hinna nthe̱ui nuʼä o̱rkähu̱ʼu̱ yu̱ jäʼi o jaʼbu̱ xi nhëi ge gä tähmu̱ nuʼä mbe̱ti di honhmu̱. ʼNe kextä jaʼbu̱ xi nhëi ge gä o̱thu̱ nuʼä numanhoʼä Jeoba geʼtho ga̱ʼtho ja ma ʼtsokihu̱. Geʼtho manʼna hingi hëi gä o̱thu̱ nuʼä xi nʼtso. Pe̱ nuʼbu̱ gi o̱ʼtä ʼtse̱di ge gi o̱ʼte nuʼä numanhoʼä Jeoba ʼne gi te̱nnu̱ yu̱ nʼtëdi, gepu̱ gi üdi ge majuäni gi neʼä Jeoba ʼne kextä gi üdi ge te ʼbe̱ʼä dä ʼyo̱ʼte ge gi soʼä Jeoba. ʼNe ngütho, nuʼä Jeoba njämʼbu̱ dä zoʼkiʼi (dä mi nu Salmo 4:3).
GÄ PÄHMU̱ MANʼNA NANGEHNA
Gä pähmu̱ hanja emme jaʼtse̱di ge nzäntho gä o̱thu̱ nuʼä numanhoʼä Jeoba ʼne ʼbe̱ʼä dä ze̱kju̱ ge njämʼbu̱ gä sohmu̱ʼä Jeoba.
3. Nuʼä Zithü ëna ge hinmajuäni gi neʼä Jeoba
Nubu̱ ja Biblia, nubu̱ libro Job, mambu̱ ge nuʼä Zithü bi ʼyëna ge nuʼä Job hinmajuäni mi neʼä Jeoba. Pe̱ nuʼbu̱ mi ma ngübu̱, kextä bi ʼyëna ge ga̱ʼtho yu̱ jäʼi hinmajuäni neʼä Jeoba. Dä mi nuui Job 1:1 ʼne 1:6-2:10, ʼne manhmi nangehna:
¿ʼBe̱ʼä bi manʼä Zithü nangeʼä Job? (Dä mi nuui Job 1:9-11).
¿ʼBe̱ʼä manʼä Zithü nange ga̱ʼthogähu̱? (Dä mi nuui Job 2:4).
Dä mi nuui Job 27:5b ʼne manhmi nangehna:
¿ʼBe̱pu̱ bi ʼyüʼä Job ge majuäni mi neʼä Jeoba?
Nuʼä Job njämʼbu̱ bi zoʼä Jeoba ʼne ngübu̱ bi ʼyüdi ge majuäni mi neʼä Jeoba.
Nuʼbu̱ njämʼbu̱ gä sohmu̱ʼä Jeoba, ngübu̱ di ühmu̱ ge emme di nehu̱ʼä Jeoba.
4. Dä mi johyabi na mu̱iʼä Jeoba
Dä mi nuui Proverbios 27:11 ʼne manhmi nangehna:
¿ʼBe̱ʼä mbënʼä Jeoba nuʼbu̱ handi ge gi o̱ʼte nuʼä numanho? ¿Hanja?
5. Dä za̱ gi ʼyo̱ʼtä numanhoʼä Jeoba
Nangeʼä ge di nehu̱ʼä Jeoba, janangeʼä di xihmu̱ na Nhman Ojä nuʼu̱ miʼra. ʼNe ngübu̱ di o̱thu̱ madägeʼä jaʼbu̱ xi nhëi gä xihmu̱ na Nhman Ojä nuʼu̱ miʼra. Dä mi nuui ä BIDEO ʼne manhmi nangehna:
¿Ha gi hëi gi xihna Nhman Ojä nuʼu̱ miʼra?
Nangeʼä gä nubu̱ ja bideo, ¿ʼbe̱ʼä bi ʼyo̱ʼtä Grayson pa hindi nsü?
Nuʼbu̱ manʼna di nehu̱ʼä Jeoba manʼna hingi hëi gä o̱thu̱ nuʼä numanho ʼne geʼä di ze̱kju̱ gä u̱kpähu̱ nuʼä hingi numanhoʼä. Dä mi nuui Salmo 97:10 ʼne manhmi nangehna:
Nangehna xkä nxa̱di asta nuya, ¿ʼbe̱ʼä ma nʼto̱ʼte numanhoʼä Jeoba? ¿ʼBe̱pu̱ dä za̱ gi ʼyo̱ʼte nuʼä numanhoʼä Jeoba ʼne gi u̱kpi nuʼä hingi numanho?
¿ʼBe̱ʼä dä ze̱ʼi ge nzäntho gi ʼyo̱ʼtä numanho Ojä ʼne gi u̱kpäʼä xi nʼtso?
6. Nuʼbu̱ di o̱thu̱ʼä manʼä Jeoba di hänhmu̱ yu̱ njäpi
Di ʼbu̱manhohu̱ nuʼbu̱ di o̱thu̱ nuʼä numanhoʼä Jeoba. Dä mi nuui Isaías 48:17, 18 ʼne manhmi nangehna:
¿Xiʼä Jeoba ha manʼna pädi nuʼä xi nho pa nangekju̱? ¿Hanja?
¿ʼBe̱pu̱ xi ze̱ʼi ge gi nxa̱ʼä Biblia? ʼNe ¿ʼbe̱pu̱ xi ze̱ʼi ge manʼna xkä pädi nangeʼä Ojä majuäni Jeoba?
NUʼÄ ʼBE̱ʼÄ MANʼU̱ ʼRA YU̱ JÄʼI: “Nuʼä Ojä hingi u̱rpä gue̱nda nuʼä di o̱ʼte”.
¿ʼBe̱ʼä ma texto gi ʼyüdi pa dä bädi ge nuʼä Jeoba u̱rpä gue̱nda nuʼä di o̱thu̱?
NUʼÄ MANʼNA JAʼTSE̱DI
Gi üdi gi neʼä Jeoba nuʼbu̱ gi o̱ʼte nuʼä na pa̱ha̱ madägeʼä gi thohyu̱ hëi.
Nuʼä dä pähmu̱
¿ʼBe̱ʼä üʼtäʼä na ejemploʼä Job?
¿ʼBe̱pu̱ dä za̱ gi ʼyüdi ge gi neʼä Jeoba?
¿ʼBe̱ʼä dä ze̱ʼi ge njämʼbu̱ gi soʼä Jeoba?
DÄ MI PÄDI MANʼNA
Dä mi pädi ʼbe̱ʼä dä ze̱ʼi ge njämʼbu̱ gi soʼä Jeoba ʼne nuʼä na hnini.
Dä mi pädi nuʼä manʼä Zithü nangeʼu̱ yu̱ jäʼi ʼne yu̱ anxe̱.
“Nuʼä Job njämʼbu̱ bi zoʼä Jeoba” (Nuʼä ʼbe̱ʼä nʼtoʼtibu̱ ja Biblia, xe̱ki 6)
Dä mi hyanʼtä ʼna bideo ge üdi ge nuʼu̱ yu̱ ʼtu̱hni kextä sa̱ dä ʼyo̱ʼte ge di njohyaʼä Jeoba.
¿ʼBe̱ʼä dä za̱ dä ʼyo̱tyu̱ hmüte ʼne yu̱ ʼtsu̱nʼtu̱ pa te dä hyu̱ʼtsi ge dä ʼyo̱ʼte na pa̱ha̱ Ojä?