¿Njämʼbu̱ di ünʼä nʼtëdiʼä Biblia ge ʼna nʼyohu̱ dä ʼyohmi ʼna xisu?

¿ʼBe̱ʼä manʼä Biblia nangeʼä ge ʼna nʼyohu̱ dä ʼyohmi ʼna xisu? Xin gü yu̱ jäʼi pe̱sna sa̱ dä ma nangehna. Nuʼä Biblia ma nangehna ko nʼtëspäte. Nuʼbu̱ di pähmu̱ nuʼä mbënʼä Jeoba nangehna, di ze̱kju̱ ʼne di jamansüju̱. Gese̱ʼä Jeoba bi ünʼä nʼtëdi ge ʼna nʼyohu̱ dä ʼyohmi ʼna xisu, janangeʼä Jeoba di ünni yu̱ nʼtsofoʼu̱ xi nthäti pa ge di mʼbu̱manho, pe̱ kextä ma nuʼä hingi ja dä ʼyo̱ʼtu̱.

1. ¿ʼBe̱ʼä mbënʼä Jeoba ge ʼna nʼyohu̱ dä ʼyohmi ʼna xisu?

Nuʼä Jeoba bi ünna ʼna regaloʼu̱ xi nthäti, ge ʼna nʼyohu̱ sa̱ dä ʼyohmiʼä na xisu. Nuna regalo sa̱ dä ʼyo̱ʼte ge nuʼu̱ xi nthäti dä za̱ dä dinyu̱ ʼtu̱hni ʼne kextä dä za̱ di nhuëki ʼna ngü ʼna ne di njohya. Nangeʼä nuʼä Biblia ma ge ʼna nʼyohu̱ ja ge di njohyauiʼä ra hmüte ge bi nthätui (Proverbios 5:18, 19). Nuʼä Jeoba hingi numanho ge ʼna ra ʼyëʼkyëi xi nthäti dä hya̱ʼtä na xisu o nuʼä na ndo̱. Nangeʼä ʼna ra ʼyëʼkyëi njämʼbu̱ ja dä hya̱ʼtä xi nthätui (dä mi nu Hebreos 13:4).

2. ¿ʼBe̱ʼä ä ra nʼyonʼtëni o ra nʼyoʼtsomʼba̱i?

Nuʼä Biblia ëna: “ʼNe o sa̱ gi mbënhmu̱ dä zin Ojäʼu̱ yu̱ nʼyonʼtëni” (1 Corintios 6:9, 10). Nuʼu̱ bi ʼyoʼtä Biblia bi honʼä ʼna ra nhma ge nuʼä idioma griego ge ʼtëmbi pornéia pa dä ʼyoʼti nangeʼä ra nʼyonʼtëni o kextä na thü inmoralidad sexual. Nuna ra nhma ne dä ma nangeʼu̱ 1) yu̱ jäʼi ge ohmi nuʼu̱ hinxi nthätui,a 2) nuʼu̱ yu̱ nʼyohu̱ ge ohmi yu̱ mi nʼyohu̱ui o nuʼu̱ yu̱ bo̱mbe ge ohmi yu̱ mi mbo̱mbehu̱ ʼne 3) nuʼu̱ yu̱ jäʼi ge ohmi o ge di ʼtsonʼu̱ yu̱ zate ʼne yu̱ züʼuë. Nuʼbu̱ hindi o̱thu̱ ra nʼyonʼtëni ʼne nuʼä te ʼbe̱ʼä hingi numanhoʼä Jeoba di johyabähu̱ na mu̱iʼä ʼne kextä di johyaze̱hu̱ ʼne di ʼbu̱manhohu̱ (1 Tesalonicenses 4:3).

GÄ PÄHMU̱ MANʼNA NANGEHNA

3. Hingi ʼyo̱ʼtä ra nʼyonʼtëni

ʼNa ra nʼyohu̱ na thü José himbi ne bi ʼyo̱ʼtä ra nʼyonʼtëni. Dä mi nuui Génesis 39:1-12 ʼne manhmi nangehna:

• ¿Hanja bi ʼraʼä José? (Dä mi nuui ä bersikulo 9)

• ¿Ha gi mbëni ge bi bo̱manho nuʼä bi ʼyo̱ʼtä José? ¿Hanja?

BIDEO: Dä mi ʼdagi nangeʼä nʼyonʼtëni (5:06)

Nuʼä Jeoba ne ge ga̱ʼthogähu̱ gä u̱kpähu̱ʼä ra nʼyonʼtëni. Dä mi nuui 1 Corintios 6:18 ʼne manhmi nangehna:

• ¿ʼBe̱ʼä dä za̱ dä ʼyo̱ʼte ge ʼna ra jäʼi di nʼyonʼtëni?

• ¿ʼBe̱ʼä dä ze̱ʼi pa hingi ʼyo̱ʼtä ra nʼyonʼtëni?

4. Nuʼi dä za̱ gi se̱ti pa hingi ʼyo̱ʼtä xi nʼtso

BIDEO: Nuʼbu̱ di manhmu̱ʼä Biblia di ze̱kju̱ ge hingä o̱thu̱ nuʼä xi nʼtso (3:02)

• ¿ʼBe̱ʼä bi ʼyo̱ʼtä ra kü nuʼbu̱ mi bädi ge mi sa̱ dä hya̱ʼtä na xisu nangeʼä mi o̱ʼte ʼne nuʼä mi mbëni?

Asta jaʼbu̱ ʼnandi nuʼu̱ yu̱ ʼyëʼkyëi ja ge dä ze̱ti pa hindä bëni nuʼä xi nʼtso. ¿ʼBe̱ʼä dä za̱ gi ʼyo̱ʼte pa hingä ho̱nʼtä ra nʼyonʼtëni gi mbëni? Dä mi nuui Filipenses 4:8 ʼne manhmi nangehna:

• ¿ʼBe̱ʼä ma nʼto̱ʼte go manʼna ja ge gä mbënhmu̱?

• ¿Xiʼbu̱ nzäntho gä manhmu̱ʼä Biblia ʼne nzäntho gä o̱rpähu̱ na ʼbe̱fiʼä Jeoba, ¿ha dä ze̱kju̱ pa hingä o̱thu̱ʼä xi nʼtso? ¿Hanja?

5. Nuʼu̱ yu̱ nʼtëdi di ʼrakju̱ʼä Jeoba pa ma nhose̱hu̱ʼu̱

BIDEO: Nuʼu̱ hindi nʼyomfëni, nu yu̱ dümu̱i (9:31)

• ¿ʼBe̱ʼä bi ʼyo̱ʼte ge nuʼä ra ʼtsu̱nʼtu̱ dä mbabu̱ hapu̱ mi ʼyoʼä ra nʼyonʼtëni xisu? (Dä mi nuui Proverbios 7:8, 9)

• Nuʼä Proverbios 7:23, 26, ma ge nuʼä ra nʼyonʼtëni o̱ʼte ge di nja ra dümu̱i. ¿ʼBe̱ʼä ma dümu̱i hingä thohmu̱ geʼbu̱ hingä o̱thu̱ ra nʼyonʼtëni?

• Geʼbu̱ hingä o̱thu̱ ra nʼyonʼtëni ¿ʼbe̱pu̱ dä ze̱kju̱ ge gä mʼbu̱hmu̱ pa nzäntho?

ʼBu̱ʼu̱ yu̱ jäʼi mbëni ge nuʼä Ojä hingi ja ra nhuëkäte, geʼtho hingi numanho ge yu̱ nʼyohu̱ dä ʼyohmi yu̱ mi nʼyohu̱ui o yu̱ xisu dä ʼyohmi yu̱ mi nxisuui. Pe̱ nuʼä Jeoba neʼä ma nhohu̱, nangeʼä xikju̱ nuʼä ja gä o̱thu̱ pa gä mʼbu̱hmu̱ pa mazäi. Janangeʼä emme jaʼtse̱di ge nzäntho gä ʼte̱nhnu̱ʼu̱ yu̱ nʼtëdi. Dä mi nuui 1 Corintios 6:9-11 ʼne manhmi nangehna:

• Pa nangeʼä Jeoba ʼna ra ʼtsoki ge ʼna nʼyohu̱ dä ʼyohmi na mi nʼyohu̱ui o ʼna xisu dä ʼyohmi na mi nxisuui. ¿ʼBe̱ʼä manʼna hingi numanhoʼä Jeoba?

Pa dä numanhoju̱ʼä Jeoba emme jaʼtse̱di ge gä sohmu̱ʼu̱ yu̱ nʼto̱ʼte xi nʼtso. ¿Ha majuäni gä nuhu̱ yu̱ njäpi nuʼbu̱ gä he̱hmu̱ʼu̱ yu̱ nʼto̱ʼte xi nʼtso? Dä mi nuui Salmo 19:8, 11 ʼne manhmi nangehna:

• ¿Ha gi mbëni ge po̱manho yu̱ nʼtëdiʼä Jeoba ʼne majuäni di ze̱kju̱? ¿Hanja gi mbëni ngübu̱?

NUʼÄ MANʼNA JAʼTSE̱DI

Nuʼä Jeoba bi ʼyünna ʼna regalo nuʼä nʼyohu̱ ʼneʼä na xisu ge bi nthätui, ge sa̱ ʼrarbu̱ dä ʼyoi.

Nuʼä dä pähmu̱

• ¿ʼBe̱ʼä ga̱ʼtho di nthe̱uiʼä ra nʼyonʼtëni?

• ¿ʼBe̱ʼä dä ze̱kju̱ ge hingä o̱thu̱ ra nʼyonʼtëni?

• ¿ʼBe̱ʼä ma njäpi di hänhmu̱ nuʼbu̱ di te̱nhnu̱ʼu̱ yu̱ nʼtëdiʼä Jeoba?

DÄ MI PÄDI MANʼNA

Dä mi pädi hanja nuʼä Jeoba di manda ge ʼna nʼyohu̱ ge ne ge ʼrarbu̱ di mʼbu̱hmi ʼna xisu, ja ge mʼbe̱ʼto di nthätui.

“¿ʼBe̱ʼä mambu̱ Biblia nangeʼu̱ ʼrarbu̱ ʼbu̱i pe̱ hinxi nthäti?” (Bä ʼyëpu̱ jw.org)

Dä mi pädi hanja nuʼä mambu̱ Biblia nangeʼu̱ yu̱ nʼyohu̱ di ho yu̱ mi nʼyohu̱ui o yu̱ xisu di ho yu̱ mi nxisuui hingi ne dä ma ge ja dä mba ma nʼtu̱kpiʼu̱.

“¿Ha xi nʼtso ge ʼna nʼyohu̱ dä ʼyohmi na mi nʼyohu̱ui o ge ʼna xisu dä ʼyohmi na mi nxisuui?” (Bä ʼyëpu̱ jw.org)

ʼBe̱pu̱ di jamansüju̱ nuʼu̱ yu̱ nʼtëdi mambu̱ ja Biblia ge ho̱nʼtu̱ xi nthäti sa̱ ge ʼrarbu̱ dä ʼyoi.

“¿Xiʼä sexo oral ha ʼraigüui ge ʼbu̱ʼä toʼo dä ʼyohmi ʼna?” (Bä ʼyëpu̱ jw.org)

Dä mi pädi ʼbe̱ʼä bi ze̱ʼä ʼna nʼyohu̱ ge mi ho yu̱ mi nʼyohu̱ui ge bi pa̱ʼä na mʼbu̱i ʼne dä ʼyo̱ʼtä numanho Ojä. Dä za̱ gi nubu̱ ja biografia “Bi nʼtürkä nʼtëspäte”.

“Nuʼä Biblia bi ze̱di pa di pa̱hyu̱ mʼbu̱iʼu̱” (La Atalaya, 1 abril ge 2011)