14 ਮੈਂ ਯਹੋਵਾਹ ਤੋਂ ਇਹ ਖ਼ਬਰ ਸੁਣੀ ਹੈ,

ਇਕ ਰਾਜਦੂਤ ਨੂੰ ਕੌਮਾਂ ਕੋਲ ਘੱਲਿਆ ਗਿਆ ਹੈ, ਉਹ ਕਹਿੰਦਾ ਹੈ:

“ਤੁਸੀਂ ਸਾਰੇ ਇਕੱਠੇ ਹੋ ਜਾਓ ਅਤੇ ਉਸ ʼਤੇ ਹਮਲਾ ਕਰੋ;

ਯੁੱਧ ਦੀ ਤਿਆਰੀ ਕਰੋ।”+

15 “ਦੇਖ! ਮੈਂ ਤੈਨੂੰ ਕੌਮਾਂ ਵਿਚ ਮਾਮੂਲੀ

ਅਤੇ ਇਨਸਾਨਾਂ ਦੀਆਂ ਨਜ਼ਰਾਂ ਵਿਚ ਤੁੱਛ ਬਣਾ ਦਿੱਤਾ ਹੈ।+

16 ਹੇ ਚਟਾਨੀ ਪਹਾੜਾਂ ਵਿਚ ਪਨਾਹ ਲੈਣ ਵਾਲਿਆ,

ਸਭ ਤੋਂ ਉੱਚੀ ਪਹਾੜੀ ʼਤੇ ਵੱਸਣ ਵਾਲਿਆ,

ਤੇਰੀ ਫੈਲਾਈ ਦਹਿਸ਼ਤ ਅਤੇ ਤੇਰੇ ਘਮੰਡੀ ਦਿਲ ਨੇ ਤੈਨੂੰ ਧੋਖਾ ਦਿੱਤਾ ਹੈ,

ਭਾਵੇਂ ਤੂੰ ਉਕਾਬ ਵਾਂਗ ਆਪਣਾ ਬਸੇਰਾ ਉੱਚੀ ਥਾਂ ʼਤੇ ਬਣਾਉਂਦਾ ਹੈ,

ਤਾਂ ਵੀ ਮੈਂ ਤੈਨੂੰ ਉੱਥੋਂ ਹੇਠਾਂ ਸੁੱਟ ਦਿਆਂਗਾ,” ਯਹੋਵਾਹ ਕਹਿੰਦਾ ਹੈ।