9 “Pawil kayon tampol ed amak, tan ibaga yo ed sikato, ‘Saya so inkuan nen Jose ya anak mo: “Tinuro ak na Dios bilang katawan ed interon Ehipto.+ La ka dia ed siak. Agka manpapaleen.+

11 Ikdan ta kay abastom a naakan, ta wala ni limaran taon na eras.+ Ta no andi, manirap ka tan say sankaabungan mo tan amin a walad sika.”’

13 Natan et anggapo lay naakan* ed interon dalin, ta pinasya lay eras, tan kinmapuy la ray totoo ed dalin na Ehipto tan ed dalin na Canaan nisengeg ed eras.+

19 Akin et ompatey kami ed arapan mo, sikami tan say dalin mi? Saliw mo kami tan say dalin mi bilang kasalat na naakan, tan magmaliw kamin aripen na Faraon tan nakayarian to so dalin mi. Ikdan mo kami na bini pian manbilay kami tan ag-ompatey, tan agnapaulyan so dalin mi.”