3 “‘No nankasalanan so alanaan a saserdote+ tan apilanor to ray totoo, nepeg a sikatoy mangiyapay na andiay depekton kilaw a kalakian a baka parad si Jehova bilang apay parad kasalanan lapud agawaan ton kasalanan.+ 4 Iyakar to so kalakian a baka diad lolooban na tolda a pantitiponan+ a walad arapan nen Jehova tan itapew toy lima to ed ulo na kalakian a baka, tan pakgeran to itan diad arapan nen Jehova.+