9 Gawa yo itan, say tabernakulo tan saray amin a kagawaan ditan, ya eksakto yon tumboken so pangaligan* ya ipanengneng kod sikayo.+

40 Seguroen mon gawaen iratan unong ed samay pangaligan* ya impanengneng kod sika diad palandey.+

12 Inter to met so plano na amin a bengatlan impasabid sikato diad panamegley na espiritu parad saray sular+ na abung nen Jehova, parad amin a kuarton pananganan ya akapaliber ed satan, parad saray pasen a pangiinay kayamanan ed abung na tuan Dios, tan parad saray pasen a pangiinan na saray bengatlan pinasanto;*+

19 Inkuan nen David: “Say lima nen Jehova et walad siak, tan inikdan to ak na aralem a pakatalos pian nisulat+ ko so amin a detalye na plano.”+