6 Ta masanto kayon totoo parad si Jehova a Dios yo, tan pinili kayo nen Jehova a Dios yo pian magmaliw a totoo to, say espisyal a kayarian* to, manlapud amin a totoo ed tapew na dalin.+

28 “Tan no dengelen yoy Jehova a Dios yo diad maalwar a panggawa yod amin a ganggan to ya iter kod sikayo natan, seguradon si Jehova a Dios yo et gawaen to kayon mas atagey nen say amin a nasyon diad dalin.+

9 Pagmaliwen kayo nen Jehova a masanton totoo to,+ unong ya insipan tod sikayo,+ lapud naynay yon susumpalen so ganggan nen Jehova a Dios yo tan manaakar kayo ed saray dalan to.