20 Katanol na saray tambuyog et inmeyag iray totoo.+ Sanen nadngel na saray totoo so tanol na tambuyog tan inmeyag ira na maksil parad guerra, ageba so padir.+ Kayari na satan et linmoob ed syudad iray totoo, a balang sakey et diretson linmusob, tan sinakop da so syudad.

26 Diad saman a panaon, si Josue et inyabawag to iyan samba:* “Naayew ed arapan nen Jehova so too a mangipaalagey lamet ed sayan syudad na Jerico. Iletneg toy pundasyon na satan bilang kasalat na bilay na panguloan ya anak to, tan iyan to ray puerta na satan bilang kasalat na bilay na bolirek ya anak to.”+