• Isaias 46:6, 7
    Balon Mundo a Patalos na Masanton Kasulatan

    •  6 Wala ray alablabas so ipapaway dan balitok ed supot da;

      Manisimbang ira na pilak diad simbangan.

      Manguupa ra na latero, tan gagawaen to itan a sakey a dios.+

      Insan ontalimukor ira, on, dayewen da itan.*+

       7 Sakbaten da itan;+

      Awiten da tan iyan dad pasen to, tan mansiansia labat ditan.

      Ag-itan makaalis ed kawalaan to.+

      Pampikasian da itan, balet ag-onebat;

      Ag-itan makapangiliktar ed siopaman a nagogonigon.+