27 Saya so bilang na saray Israelita, saray lider na saray pamilya na kaamaan, saray pangulo na nilibo tan nilasus,+ tan saray opisyal dan manlilingkor ed ari+ diad amin a bengatlan nipaakar ed saray grupon mansusublayan a manlingkor ed kada bulan diad interon taon; 24,000 so bilang na kada grupo.

2 Say pangulo na unonan grupo parad unonan bulan et si Jasobeam+ ya anak nen Zabdiel, tan 24,000 so walad grupo to.