22 Ag-abayag et tinmatdang lamet iray Filisteo tan nantatayak ira ed Lawak* na Refaim.+ 23 Nantepet si David ed si Jehova, balet inkuan To: “Agka onaataki ed arapan. Liber ka ed benegan da, tan atakim ira diad arap na saray tanaman a baca. 24 Tan sano narengel moy tanol na panmamartsa a manlalapud toktok na saray tanaman a baca, kiwas kayon tampol, ta si Jehova et linma lad unaan mo pian taloen so armada na saray Filisteo.” 25 Kanian ginawa nen David so unong ed ingganggan nen Jehova ed sikato, tan tinalo to iray Filisteo+ manlapud Geba+ ya anggad Gezer.+