16 Si David et pateyen la komon nen Isbi-benob a nanlapud kailalakan na Refaim,+ a say belat na gayang ton gansa et 300 a siklo*+ tan aka-armas na balon espada.

20 Wala lamet so agawan guerra diad Gat, a ditan et walay lakin nikadkadumay kabaleg to, ya 6 so gamet na kada lima to tan 6 so gamet na kada sali to, 24 ya amin; tan sikatoy nanlapu met ed kailalakan na Refaim.+ 21 Naynay ton kakantiawan so Israel.+ Kanian sikatoy pinatey nen Jonatan ya anak nen Simei+ a kuya nen David.

22 Sarayan apat et kailalakan na Refaim a walad Gat, tan tinalo ira nen David tan saray lingkor to.+