11 Et inkuan na Dios ed si Solomon: “Lapud saya so pirawat na pusom tan agka kinmerew na kaykayarian, kayamanan, tan kagalangan odino say ipatey* na saramay mamubusol ed sika, tan agka met kinmerew na andukey a bilay,* noagta kinmerew kay karunongan tan kakabatan a mangukom ed saray totook ya impauleyan kod sika bilang ari,+ 12 niiter ed sika so karunongan tan kakabatan; balet ikdan ta ka met na kaykayarian, kayamanan, tan kagalangan ya agbalot agamoran na saramay ararin akaunad sika, tan agnagamoran na saray onsublay ed sika.”+