16 Ontan met, nepeg mon selebraan so Piesta na Panag-ani* na unona iran bunga na sagpot mo, manlapud intanem mo ed uma;+ tan say Piesta na Panagtipon* diad kasampotan na taon, sano tiponen mo manlapud uma iray resulta na sagpot mo.+
10 “Ontan met ed saray maliket ya okasyon yo+—saray piesta yo+ tan diad gapo na saray bulan yo—nepeg yon paknolen iray trumpeta diad arap na saray apay yon popoolan+ tan saray bagat yon pandurungoan;+ onkana iratan bilang panonot ed sikayo diad arapan na Dios yo. Siak si Jehova a Dios yo.”+