6 Insan inerel da so ari+ tan inawit dad ari na Babilonia diad Ribla tan senentensiaan da. 7 Saray lalakin ananak nen Zedekias et pinapatey dad arapan to; insan binulag nen Nabucodonosor si Zedekias, binalor to na saray gansan gulonggulong, tan inawit tod Babilonia.+
13 Ibuntok koy iket ko ed sikato, tan sikatoy naerel ed iket ko.+ Insan sikatoy awiten kod Babilonia, diad dalin na saray Caldeo, balet agto itan nanengneng; tan sikatoy ompatey diman.+