9 patawag ko so amin a pamilya ed amianen,”+ so imbaga nen Jehova, “patawag koy Arin Nabucodonosor* na Babilonia, say lingkor ko,+ tan iyakar ko ra ed sayan dalin+ tan saray manaayam dia tan amin a nasyon ed kaliberliber.+ Deralen ko ra tan pagmaliwen ko ran sakey a bengatlan pakataktakotan tan balbalawen* tan ageray.

14 Ta oniay inkuan nen Jehova na saray armada, say Dios na Israel: “Iyan kod beklew na sarayan amin a nasyon so balatyang a pako, pian manserbi ra ed si Arin Nabucodonosor na Babilonia, on, sikato so panserbian da.+ Anggan saray atap ya ayayep et iter kod sikato.”’”+

10 Insan ibagam ed sikara, ‘Oniay inkuan nen Jehova na saray armada, say Dios na Israel: “Patawag koy Nabucodonosor* ya ari na Babilonia, say lingkor ko,+ tan ipasen koy trono to ed tapew na sarayan bato ya inyamot ko, tan inatnat toy maglorian tolda to ed saratan.+

37 Sika, O ari—say ari na saray arari, ya angiteran na Dios na tawen ed panarian,+ pakayari, biskeg, tan gloria, 38 tan angiyawatan tod saray totoo inerman so panaayaman da, pati saray ayayep tan manok, tan say impasen ton manuley ed saratan ya amin+—sika so ulo a balitok.+