11 “‘“‘Balet say nasyon a mangisilong na beklew to ed pako na ari na Babilonia tan manserbi ed sikato, abuloyan ko ran mansiansia* ed dalin da,’ so imbaga nen Jehova, ‘tan taneman tan panayaman da itan.’”’”

17 Insan imbaga nen Jeremias ed si Zedekias: “Oniay inkuan nen Jehova, say Dios na saray armada, say Dios na Israel, ‘No onsuko* ka ed saray prinsipe na ari na Babilonia, niliktar so bilay mo* tan agnapoolan iyan syudad, tan niliktar ka tan say sankaabungan mo.+