• Salmo 80:14-16
    Balon Mundo a Patalos na Masanton Kasulatan

    • 14 O Dios na saray armada, pawil ka komon.

      Usdong ka manlapud tawen tan nengneng mo!

      Asikasom pa yan ubas,+

      15 Say sengeg ya intanem na kawanan a limam,+

      Tan nengneng moy anak a laki* a pinabiskeg mo parad inkasika.+

      16 Pinoolan+ tan apegpeg itan.

      Diad pasnok mo* et naaandi ra.

  • Isaias 5:24
    Balon Mundo a Patalos na Masanton Kasulatan

    • 24 Kanian no panon a poolan na apoy so dayami

      Tan upoten na dalang iray amagan dika,

      Saray mismon lamot da et nabulok,

      Tan saray rosas da et nitaytayak a singa dabok,

      Lapud impulisay da so ganggan* nen Jehova na saray armada

      Tan agda nirespeto so salita na Masanton Dios na Israel.+

  • Ezequiel 20:47
    Balon Mundo a Patalos na Masanton Kasulatan

    • 47 Ibagam ed katakelan a walad abalaten, ‘Dengel moy salita nen Jehova. Oniay inkuan na Soberanon Katawan a Jehova: “Palioben koy apoy sumpad sika,+ tan upoten na saya so kada mabunan kiew tan kada amagaan a kiew ed sika. Say mandarlang ya apoy et agnaerep,+ tan poolan na saya so amin a lupa, manlapud abalaten ya anggad amianen.