2 Ginawa to so mauges ed pakanengneng nen Jehova, ya inalig to ray makapadimlan kagagawa na saray nasyon+ a pinataynan nen Jehova diad arapan na saray totoo na Israel.+

9 Balet ag-ira tinmulok, tan intultuloy iran imbalang nen Manases, ya inlagyat to ran manggawa na mas mauges nen saray nasyon a dineral nen Jehova diad arapan na saray Israelita.+

5 “Oniay inkuan na Soberanon Katawan a Jehova: ‘Saya so Jerusalem. Sikatoy impasen kod pegley na saray nasyon, a sikatoy apaliberan na saray dalin. 6 Balet sikatoy nanrebelde ed saray ganggan tan totontonen ko, a kinmiwas a mas mauges ni nen saray nasyon tan saray dalin ya akapaliber ed sikato.+ Ta impulisay da iray ganggan ko, tan ag-ira nankurang ed saray totontonen ko.’