19 Balet sano iyawat da kayo, agkayo mapaga no panon odino no anto so ibaga yo, ta say ibaga yo et niiter ed sikayo diad satan a bekta;+ 20 ta aliwan sikayo labat so mansalita, noagta say espiritu na Ama yo so mansalita ed panamegley yo.+

13 Balet sano onsabi itan,* say espiritu na katuaan,+ iwanwan to kayo diad amin a katuaan, ta agmansalita unong ed panlabayan to, noagta salitaen to iray narengel to, tan ipaamta tod sikayo iray bengatlan onsabi.+

12 Natan et inawat tayo so espiritu a nanlapud Dios,+ aliwan say espiritu na mundo, pian naamtaan tayo ray bengatla a mapangasin inter na Dios ed sikatayo.

27 Ingen ta sikayoy nilanaan na Dios diad panamegley na espiritu to+ tan mansiasiansia ed sikayo iyan espiritu, tan agla nakaukolan a wala ni mangibangat ed sikayo; balet sayan espiritu so mangibabangat ed sikayo nipaakar ed amin a bengatla+ tan satan et tua tan aliwan katilaan. Kanian mansiansia kayon nikasakey ed sikato unong ya imbangat na satan ed sikayo.+