19 Tan papasantosen koy inkasiak nisengeg ed sikara, pian napasanto met ira ed panamegley na katuaan.

25 Asawan lalaki, itultuloy yon aroen so kaasawaan yo,+ no panon a say Kristo et inaro to met so kongregasyon tan inter toy sarili to parad satan,+ 26 pian napasanto to itan, a lilinisan to itan, ya uurasan to na danum, salanti, say salita na Dios,+ 27 lapud labay ton magmaliw a marakep ed pakanengneng to so kongregasyon, ya andian na mantsa odino kumanet odino anggan dinan ed saratan a bengatla,+ noagta masanto tan andian na pakabalawan.+

13 Balet, obligado kamin naynay a misalamat ed Dios nipaakar ed sikayo, agagin inad-aro nen Jehova,* ta manlapud gapo et pinili kayo la na Dios+ parad kililiktar diad impamasanto tod sikayo+ ed panamegley na espiritu to tan diad pananisia yo ed katuaan.

15 noagta magmaliw kayon masanto diad amin a kagagawa yo,+ a singa samay Masanton Dios ya anawag ed sikayo, 16 ta nisulat: “Nepeg a magmaliw kayon masanto, lapud masanto ak.”+