Numeros

26 Kayari na salot,+ oniay inkuan nen Jehova ed si Moises tan Eleazar ya anak nen Aaron a saserdote: 2 “Ala yoy sensus na amin ya Israelita a mantaon na 20 a patagey, unong ed saray pamilya na saray kaamaan da, bilang yon amin iramay nayarin mansundalo diad Israel.”+ 3 Kanian akitongtong ed sikara si Moises tan si Eleazar+ a saserdote diad saray patar a desierto na Moab+ a walad abay na Jordan diad Jerico,+ ya inkuan da: 4 “Ala yoy sensus na saramay mantaon na 20 a patagey, unong ya ingganggan nen Jehova ed si Moises.”+

Natan et saraya so ananak nen Israel a pinmaway ed dalin na Ehipto: 5 Si Ruben,+ say panguloan nen Israel; saraya so ananak nen Ruben:+ manlapud si Hanoc et say pamilya na saray Hanocita; manlapud si Palu et say pamilya na saray Paluita; 6 manlapud si Hezron et say pamilya na saray Hezronita; manlapud si Carmi et say pamilya na saray Carmita. 7 Saraya so pamilya na saray Rubenita, tan say bilang na saramay nirehistro ed sikara et 43,730.+

8 Say anak nen Palu et si Eliab. 9 Tan saray ananak nen Eliab et si Nemuel, Datan, tan Abiram. Saraya may Datan tan Abiram ya apili ed saray totoo, a linmaban ed si Moises+ tan Aaron a kaibay ulop nen Kora,+ sanen kinalaban day Jehova.+

10 Insan sinmangi so dalin tan inakmon to ra. Inatey si Kora a kaiba iramay onsusuportad sikato sanen inupot na apoy so 250 lalaki.+ Tan nagmaliw iran panmadmaran.+ 11 Balet, ag-inatey iray ananak nen Kora.+

12 Saraya so ananak nen Simeon+ unong ed saray pamilya ra: manlapud si Nemuel et say pamilya na saray Nemuelita; manlapud si Jamin et say pamilya na saray Jaminita; manlapud si Jakin et say pamilya na saray Jakinita; 13 manlapud si Zera et say pamilya na saray Zerahita; manlapud si Shaul et say pamilya na saray Shaulita. 14 Saraya so pamilya na saray Simeonita: 22,200.+

15 Saraya so ananak nen Gad+ unong ed saray pamilya ra: manlapud si Zefon et say pamilya na saray Zefonita; manlapud Hagi et say pamilya na saray Hagita; manlapud si Suni et say pamilya na saray Sunita; 16 manlapud si Ozni et say pamilya na saray Oznita; manlapud si Eri et say pamilya na saray Erita; 17 manlapud si Arod et say pamilya na saray Arodita; manlapud si Areli et say pamilya na saray Arelita. 18 Saraya so pamilya na saray ananak nen Gad, tan saray nirehistro ed sikara et 40,500.+

19 Saray ananak nen Juda+ et si Er tan Onan.+ Balet inatey si Er tan Onan diad dalin na Canaan.+ 20 Tan saraya so ananak nen Juda unong ed saray pamilya ra: manlapud si Selah+ et say pamilya na saray Selanita; manlapud si Perez+ et say pamilya na saray Perezita; manlapud si Zera+ et say pamilya na saray Zerahita. 21 Tan saraya so ananak nen Perez: manlapud si Hezron+ et say pamilya na saray Hezronita; manlapud si Hamul+ et say pamilya na saray Hamulita. 22 Saraya so pamilya nen Juda, tan saray nirehistro ed sikara et 76,500.+

23 Saraya so ananak nen Isacar+ unong ed saray pamilya ra: manlapud si Tola+ et say pamilya na saray Tolaita; manlapud si Puva et say pamilya na saray Punita; 24 manlapud si Jasub et say pamilya na saray Jasubita; manlapud si Simron et say pamilya na saray Simronita. 25 Saraya so pamilya nen Isacar, tan saray nirehistro ed sikara et 64,300.+

26 Saraya so ananak nen Zebulon+ unong ed saray pamilya ra: manlapud si Sered et say pamilya na saray Seredita; manlapud si Elon et say pamilya na saray Elonita; manlapud si Jaleel et say pamilya na saray Jaleelita. 27 Saraya so pamilya na saray Zebulonita, tan saray nirehistro ed sikara et 60,500.+

28 Saraya so ananak nen Jose+ unong ed saray pamilya ra: si Manases tan Efraim.+ 29 Saraya so ananak nen Manases:+ manlapud si Makir+ et say pamilya na saray Makirita; tan si Makir so ama nen Gilead;+ manlapud si Gilead et say pamilya na saray Gileadita. 30 Saraya so ananak nen Gilead: manlapud si Yezer et say pamilya na saray Yezerita; manlapud si Helek et say pamilya na saray Helekita; 31 manlapud si Asriel et say pamilya na saray Asrielita; manlapud si Siquem et say pamilya na saray Siquemita; 32 manlapud si Semida et say pamilya na saray Semidaita; manlapud si Hefer et say pamilya na saray Heferita. 33 Natan, si Zelofehad ya anak nen Hefer et anggapoy ananak ton lalaki, noagta bibii labat,+ tan say kangaranan na saray bibiin ananak nen Zelofehad+ et si Mahla, Noa, Hogla, Milca, tan Tirza. 34 Saraya so pamilya nen Manases, tan saray nirehistro ed sikara et 52,700.+

35 Saraya so ananak nen Efraim+ unong ed saray pamilya ra: manlapud si Sutela+ et say pamilya na saray Sutelahita; manlapud si Beker et say pamilya na saray Bekerita; manlapud si Tahan et say pamilya na saray Tahanita. 36 Tan saraya so ananak nen Sutela: manlapud si Eran et say pamilya na saray Eranita. 37 Saraya so pamilya na saray ananak nen Efraim, tan saray nirehistro ed sikara et 32,500.+ Saraya so ananak nen Jose unong ed saray pamilya ra.

38 Saraya so ananak nen Benjamin+ unong ed saray pamilya ra: manlapud si Bela+ et say pamilya na saray Belaita; manlapud si Asbel et say pamilya na saray Asbelita; manlapud si Ahiram et say pamilya na saray Ahiramita; 39 manlapud si Sefufam et say pamilya na saray Sufamita; manlapud si Hufam et say pamilya na saray Hufamita. 40 Saray ananak nen Bela et si Ard tan Naaman:+ manlapud si Ard et say pamilya na saray Ardita; manlapud si Naaman et say pamilya na saray Naamita. 41 Saraya so ananak nen Benjamin unong ed saray pamilya ra, tan saray nirehistro ed sikara et 45,600.+

42 Saraya so ananak nen Dan+ unong ed saray pamilya ra: manlapud si Suham et say pamilya na saray Suhamita. Saraya so pamilya nen Dan unong ed saray pamilya ra. 43 Amin a pamilya na saray Suhamita, diad saramay nirehistro ed sikara et 64,400.+

44 Saraya so ananak nen Aser+ unong ed saray pamilya ra: manlapud si Imnah et say pamilya na saray Imnita; manlapud si Isvi et say pamilya na saray Isvita; manlapud si Berias et say pamilya na saray Beriaita; 45 manlapud saray ananak nen Berias: manlapud si Heber et say pamilya na saray Heberita; manlapud si Malkiel et say pamilya na saray Malkielita. 46 Say ngaran na biin anak nen Aser et Sera. 47 Saraya so pamilya na saray ananak nen Aser, tan saray nirehistro ed sikara et 53,400.+

48 Saraya so ananak nen Neftali+ unong ed saray pamilya ra: manlapud si Jazeel et say pamilya na saray Jazeelita; manlapud si Guni et say pamilya na saray Gunita; 49 manlapud si Jezer et say pamilya na saray Jezerita; manlapud si Silem et say pamilya na saray Silemita. 50 Saraya so pamilya nen Neftali unong ed saray pamilya ra, tan saray nirehistro ed sikara et 45,400.+

51 Saya so bilang na amin a nirehistro ed saray Israelita: 601,730.+

52 Kayari na satan et oniay inkuan nen Jehova ed si Moises: 53 “Nepeg mon apagen so dalin bilang tawir da unong ed listaan na saray kangaranan.*+ 54 Parad saray babaleg a grupo, nepeg mon aruman so tawir, tan parad saray memelag a grupo et nepeg mon bawasan so tawir.+ Nepeg a niiter so tawir na kada grupo a mipetekan ed bilang na saramay nirehistro. 55 Balet, nepeg ya apagen so dalin ed panamegley na pampapalaranan.+ Nepeg ya awaten day tawir da unong ed kangaranan na saray tribu na kaamaan da. 56 Kada tawir et amtaen ed panamegley na pampapalaranan, tan apagen ed babaleg tan memelag iran grupo.”

57 Natan et saraya so nirehistro ed saray Levita+ unong ed saray pamilya ra: manlapud si Gerson et say pamilya na saray Gersonita; manlapud si Kohat+ et say pamilya na saray Kohatita; manlapud si Merari et say pamilya na saray Merarita. 58 Saraya so pamilya na saray Levita: say pamilya na saray Libnita,+ say pamilya na saray Hebronita,+ say pamilya na saray Malita,+ say pamilya na saray Musita,+ say pamilya na saray Korahita.+

Si Kohat so ama nen Amram.+ 59 Tan say ngaran na asawa nen Amram et Jocabed,+ say biin anak nen Levi, a niyanak ed si Levi diad Ehipto. Tan inyanak tod si Amram si Aaron, Moises, tan si Miriam ya atsi ra.+ 60 Insan niyanak ed si Aaron si Nadab, Abihu, Eleazar, tan Itamar.+ 61 Balet inatey si Nadab tan Abihu lapud angiyapay irad arapan nen Jehova na duman pinoolan ya insenso.+

62 Say bilang na amin a nirehistro et 23,000, amin a lalaki a manedad na sakey bulan a patagey.+ Ta ag-ira nirehistro ed limog na saray Israelita,+ lapud anggapoy tawir a niiter ed sikara ed limog na saray Israelita.+

63 Saraya so inrehistro nen Moises tan Eleazar a saserdote sanen inrehistro da iray Israelita diad saray patar a desierto na Moab a walad abay na Jordan diad Jerico. 64 Balet anggapo ed saraya so nirehistro nen Moises tan Aaron a saserdote diad samay sensus ed saray Israelita ya inala diad kalawakan na Sinai.+ 65 Ta oniay inkuan nen Jehova nipaakar ed sikara: “Seguradon ompatey ira diad kalawakan.”+ Kanian anggapoy toon akera ed sikara nilikud ed si Caleb ya anak nen Jefune tan si Josue ya anak nen Nun.+