Salmo
93 Si Jehova et nagmaliw ya Ari!+
Sikatoy akawesan na karlangan;
Si Jehova et akawesan na biskeg;
Akasulong itan ed sikato a singa balkes.
Say dalin et niletneg a malet;
Ag-itan nagalaw.*
3 Saray ilog et manbubwak, O Jehova,
Saray ilog et manbubwak tan manungol;
Saray ilog et ag-ontutundan manbubwak tan maingal.
4 Balet si Jehova, a sankatagyan ed tawen,+
Et mas maksil nen say ungol na amayamay a danum,
Mas makapanyari nen saray angkakabaleg a daluyon na dayat.+
5 Saray panonot mo et napanmatalkan a maong.+
O Jehova, say kasantosan so mamaparakep* ed abung mo+ diad amin a panaon.