Jeremias
2 Oniay mensahe nen Jehova a sinmabi ed siak: 2 “La ka, tan ibagam ed Jerusalem, ‘Oniay inkuan nen Jehova:
“Sankanonot koy debosyon mo* sanen wala ka nid kalangweran,+
Say panangaron impanengneng mo sanen akisipan kan miasawa,+
Say intumbok mod siak diad kalawakan,
Diad dalin ya agnatataneman.+
3 Say Israel et masanto nensaman ed si Jehova,+ saray unonan bunga na ani to.”’
‘Mankasalanan so siopaman a mangakmon ed sikato.
Onsabi ed sikara so kadederal,’ so imbaga nen Jehova.”+
4 Dengel yoy salita nen Jehova, O sankaabungan nen Jacob,
Tan amin yon pamilya ed sankaabungan na Israel.
5 Oniay inkuan nen Jehova:
“Antoy kasalanan ko ya anengneng na saray inmuunan atateng yo,+
Kanian inmarawi rad siak,
Tan tinmumbok irad saray andi-kakanaan ya idolo+ kanian nagmaliw met iran andi-kakanaan?+
6 Agda intepet, ‘Kawalaan nen Jehova,
Say angipaway ed sikatayo ed dalin na Ehipto,+
Say angigiya ed sikatayo diad kalawakan,
Diad kawalaan na saray desierto+ tan abot,
Diad dalin ya amagaan+ tan ambilbilunget,
Diad dalin ya anggapoy toon ondadalan,
Tan anggapoy toon manaayam?’
7 Insan inyakar ta kayo ed dalin a tanemay manbubungan kiew,
Pian kanen yo iray bunga tan saray maabig a bengatla ditan.+
Balet sinmabi kayo tan dinutakan yo so dalin ko;
Ginawa yon makapadimla so tawir ko.+
8 Agmet intepet na saray saserdote, ‘Kawalaan nen Jehova?’+
Saramay angimatalekan na Ganggan et agmikabat ed siak,
Nanrebelde ed siak iray managpastol,+
Nampropesiya iray propeta ed ngaran nen Baal,+
Tan tinmumbok ira ed dirios ya agmakapangiter na gunggona.
9 ‘Kanian misuppiatan ak ed sikayo,’+ so imbaga nen Jehova,
‘Tan misuppiatan ak ed saray anak na ananak yo.’
10 ‘Balet la kayod saray gilig na dayat* na Kitim+ tan nengneng yo.
On, mangibaki kayo ed Kedar+ tan imanoen yon maong;
Nengneng yo no kasin wala lay agawan singa onia.
11 Wala la kasi nasyon ya insalat toy dirios to ed saramay aliwan dirios?
Balet say totook et insalat day gloriak ed andi-kakanaan.+
12 Sikayon katawenan, onnengneng kayod pankelkelaw lapud saya;
Onggiwgiw kayo lapud pirmin takot,’ so imbaga nen Jehova,
13 ‘Lapud duaran mauges a bengatla so ginawa na totook:
Tinaynan da ak, say subol na danum a mabilay,+
Tan nankotkot ira na saray bobon da,
Saray aderal a bobon ya agnakargaan na danum.’
14 ‘Kasin say Israel et lingkor odino aripen a niyanak ed sankaabungan?
Kanian akin et nasamsam iray kayarian to?
Ginawa ran makapataktakot so dalin to.
Apoolan iray syudad to kanian anggapo lay manaayam ditan.
16 Kakanen na saray totoo ed Nof*+ tan Tapanes+ so walad toktok na ulom.
19 Pakaaralan moy inkauges mo,
Tan ipetek ka na agmo inkamatoor.
Amtaen mo tan nengnengen mo a mauges tan makapaermen+
So panaynan ed si Jehova a Dios mo;
Agmo ak tinakotan,’+ so imbaga na Soberanon Katawan a Jehova na saray armada.
20 ‘Ta abayag ko lan binuyak so pakom+
Tan pinultot ko la ray gulonggulong mo.
Balet imbagam: “Agta ka panlingkoran,”
Ta diad kada atagey a pukdol tan diad silong na kada masalompapak a kiew+
Et akarukol kan singa imoral a bii.+
21 Intanem ta ka bilang sankaabigan a klase na ubas,+ sakey a puron bini;
Kanian akin et nagmaliw kan makapuy a simisimit na sananey a sengeg na ubas ed arapan ko?’+
22 ‘Anggano mangusar kay kemikal a soda* tan dakel a sabon ed panuras mo,
Siansia nin mantsa so pakanengneng kod kasalanan mo,’+ so imbaga na Soberanon Katawan a Jehova.
23 Panoy pangibagam ya, ‘Agko dinutakan so sarilik.
Agko tinumbok iray Baal’?
Nengneng mo pay impanakar mo diad lawak.
Imanom no antoy ginawam.
Singa ka malangwer tan maples a kabatyan a kamelyo
A batik-batik ya agto amtay laen to,
24 Singa ka atap ya asno ya apasal ed kalawakan,
A susungapen toy dagem lapud pampilalek to.*
Siopay makaamper ed sikato diad panaon na pankasta to?
Agnakesawan iray manaanap ed sikato.
Sikatoy naromog da no panaon to* la.
25 Agka manaakar a kasalisali,
Tan agmo aabuloyan a napaet ka.
Balet imbagam, ‘Anggapo lay nagawaan!+
26 Singa say kababaingan na matakew sano sikatoy narel,
Ontan met so kababaingan na sankaabungan na Israel,
Sikara, saray arari tan saray prinsipe ra,
Saray saserdote ra tan saray propeta ra.+
27 Ibabaga rad sakey a kiew, ‘Sika so amak,’+
Tan diad sakey a bato, ‘Sika so angiyanak ed siak.’
Balet imbeneg da ak.+
Tan diad panaon ya onsabi ed sikara so kadederal et ibaga ran,
‘Alagey ka tan iliktar mo kami!’+
28 Kawalaan natan na dirios mo a ginawam?+
Paalagey mo ra no sarag da kan iliktar ed panaon ya onsabid sika so kadederal,
Ta singa karakel na syudad mo so dirios mo, O Juda.+
29 ‘Akin a misusuppiatan kayo nid siak?
Akin a nanrebelde kayon amin ed siak?’+ so imbaga nen Jehova.
30 Anggapoy kakanaan na impanusak ed saray ananak yo.+
Ag-ira mangawat na disiplina;+
Inupot na mismon espada yo iray propeta yo,+
A singa sakey a leon ya onlulusob.
31 O sikayon henerasyon, imano yoy salita nen Jehova.
Kasin nagmaliw ak a kalawakan parad Israel
Odino sakey a dalin ya ambilbilunget?
Akin et imbaga na sarayan totook, ‘Bulos kamin manakar-akar.
Agkami la onlad sika’?+
32 Nalingwanan kasi na marikit iray alahas to,
Odino nalingwanan kasi na nobya iray bariber tod pagew?*
Balet ta dakerakel lan agew a nilingwanan ak na saray mismon totook.+
33 O bii, agaylay dunong mon manggaway paraan pian makalmo kay mangaro ed sika!
Impasal moy sarilim ed saray dalan na inkauges.+
34 Anggan saray kawes mo et amantsaay dala na saray pobrin totoo* ya andiay kasalanan,+
Anggano agko ra anengneng a nilooban day sakey ya abung;
Aromog koy mantsa na dala ra ed amin a kawes mo.+
35 Balet ibabagam, ‘Anggapoy kasalanan ko.
Seguradon kinmepa lay sanok tod siak.’
Kanian ukomen ta ka
Ta ibabagam, ‘Agak nankasalanan.’
36 Akin et iisipen mon melmelag a bengatla so panguuman-uman moy dalan mo?
37 Saya met so rason ya ompaway kan akatapew ed ulom iray limam,+
Ta impulisay nen Jehova iramay panmamatalekan mo;
Agka onaligwas lapud sikara.”