Jeremias
49 Oniay inkuan nen Jehova parad saray Ammonita:+
“Anggapo tay lakin anak na Israel?
Anggapo tay mananawir to?
Akin et sinamsam nen Malcam+ so Gad?+
Tan akin et manaayam iray totoo to ed saray syudad na Israel?”
2 “‘Kanian onsabi agew,’ so imbaga nen Jehova,
‘Ya iparengel koy tanol a mangipapasakbay na guerra* sumpad Raba+ a syudad na saray Ammonita.+
Sikatoy magmaliw a pukdol ya agla napanayaman,
Tan napoolan iray angkekelag* a baley to.’
‘Tan alaen na Israel so dalin na saramay anamsam ed dalin to,’+ so inkuan nen Jehova.
3 ‘Ugaog ka, O Hesbon, ta aderal lay Ai!
Akis kayo, O sikayo ran angkekelag a baley na Raba.
Mansulong kayo na sakon abel.
Ugaog kayo tan manliberliber kayo ed saray pukokan a gawad bato,*
Ta nibantak ed arum a dalin si Malcam,
Pati saray saserdote tan prinsipe to.+
4 Akin et ilalastog mo ray lawak,*
Say patar a dalin mo a panaagusan na danum, O anak a biin agmatoor,
Sikan manmamatalek ed saray kayamanan mo
Tan ibabagam a: “Siopay onlusob ed siak?”’”
5 “‘Iyakar kod sika so makapataktakot a bengatla,’ so imbaga na Soberanon Katawan a Jehova na saray armada,
‘Manlapud amin a walad kaliberliber mo.
Nitaytayak kayo ed nanduruman pasen,
Tan anggapoy manipon ed saray ontatakas.’”
6 “‘Balet kayari na satan et tiponen ko iramay naaripen ya Ammonita,’ so imbaga nen Jehova.”
7 Parad Edom et oniay inkuan nen Jehova na saray armada:
“Anggapo ta lay karunongan ed Teman?+
Naandi ta lay maabig a simbawa na saramay walaay pakatalos?
Kasin abulok lay karunongan da?
8 Batik kayo, takas kayo!
Amot kayo ed saray aralem a pasen, O sikayo ran manaayam ed Dedan!+
Ta idapok ed si Esau so kadederal
Sano onsabi so panaon na panusak ed sikato.
9 No onlad sika iray managburbor na ubas,
Ag-ira kasi mangikera na natudtor?
No onloob iray matakew diad labi,
Takewen da labat iray labay dan alaen.+
10 Balet paandien ko so amin a walad si Esau.
Iparungtal ko ray pasen a panaamotan to,
Pian sikatoy agla makaamot.
11 Itilak mo ray walad sikan ugugaw ya ulilad ama,
Tan iliktar ko ra,
Tan manmatalek ed siak iray abalon bibii a walad sika.”
12 Ta oniay inkuan nen Jehova: “No saramay ag-asentensiaan ya oninum ed kopa et oninum ira, kasin iilaloan mo ya agka nadusa? Seguradon nadusa ka, ta oninum ka.”+
13 “Ta nansamba ak ed ngaran ko,” so imbaga nen Jehova, “a say Bozra et magmaliw a pakataktakotan,+ sakey a kabandayan, kageba, tan nisamba; tan magmaliw ya andi-anggaan a geray so amin a syudad to.”+
14 Walay nadngelan kon balita a nanlapud si Jehova,
Walay mensahero a nibaki ed saray nasyon, a mangibabagay:
“Mantitipon kayo tan sikatoy lusob yo;
Manparaan kayon milaban.”+
15 “Ta ginawa ta kan melmelag ed saray nasyon,
Tan babalawen na totoo.+
16 Apalikdo ka lapud ginawam a pakataktakotan,
Say inkamapaatagey na pusom,
O sikan manaayam ed sanib na baleg a bato,
A walad sankatageyan a pukdol.
Anggaman diad atagey a pasen so nanggawaan moy ubong mo, a singa say agila,
Ipelag ta ka ditan,” so imbaga nen Jehova.
17 “Tan say Edom et magmaliw a pakataktakotan.+ Nataktakot so siopaman ya ondalan a makanengneng ed sikato, tan manngisiw lapud amin a salot a dinmapo ed sikato. 18 Singa ed inkaderal na Sodoma tan Gomorra tan saray kaabay dan baley,”+ so inkuan nen Jehova, “anggapoy manayam ditan, tan anggapoy toon mansiansia ditan.+
19 “Walay singa sakey a leon ya ompaway ed makapal a kakiewan a walad abay na Jordan pian atakien to ray maligen a panagpastolan,+ balet sikatoy biglan pataynanen ko ed dalin to. Tan samay apili so turoen kon manuley ed sikato. Ta siopay mipara ed siak, tan siopay makaamper ed siak? Siopan managpastol so makatalindeg ed arapan ko?+ 20 Kanian dengel yoy desisyon* nen Jehova sumpad Edom, tan say ninonot to sumpad saray manaayam ed Teman:+
Nigayugoy iray angkekelag a karnero ed pulok.
Lapud sikara et pagmaliwen ton agnapanayaman so ayaman da.+
21 Yinmegyeg so dalin lapud ungol na inkaplag da.
Walay pannangis!
Nadngel itan a tanol anggad Ambalangan Dayat.+
Diad satan ya agew, say puso na saray sundalo na Edom
Et magmaliw a singa puso na biin manaanak.”
23 Parad Damasco:+
“Abaingan so Hamat+ tan Arpad,
Ta mauges a balita so nadngel da.
Kinmapuy so liknaan da.
Agonigon so dayat tan ag-itan napareen.
24 Tinmalaw so Damasco.
Sikatoy batik la, balet sikatoy ataranta.
Sikatoy adaeg na gonigon tan panagpasakit,
A singa biin manaanak.
25 Akin et agni ataynanan so makapadinayew a syudad,
Say baley na panliliket?
26 Ta natumba ed saray plaza to iray kalangweran a lalaki ditan,
Tan ompatey ed satan ya agew so amin a sundalo,” so imbaga nen Jehova na saray armada.
27 “Poolan ko so padir na Damasco,
Tan upoten na satan iray malet a tori nen Ben-hadad.”+
28 Oniay inkuan nen Jehova parad Kedar+ tan saray panarian na Hazor, a saratan et dineral nen Arin Nabucodonosor* na Babilonia:
“Alagey kayo, tatdang kayod Kedar,
Tan deral yo ray ananak ed Bukig.
29 Nasamsam iray tolda ra tan saray pulok da,
Saray abel na tolda ra tan amin a kagawaan da.
Naala iray kamelyo ra,
Tan iyeyag dad sikara, ‘Walad kaliberliber so takot!’”
30 “Batik kayo, la kayod arawi!
Amot kayo ed saray aralem a pasen, O sikayo ran manaayam ed Hazor,” so imbaga nen Jehova.
“Ta nanggawa na estratehiya si Arin Nabucodonosor* na Babilonia sumpad sikayo,
Tan walay ninonot ton plano sumpad sikayo.”
31 “Alagey kayo, lusob yo so mareen a nasyon,
A manaayam ed kaligenan!” so imbaga nen Jehova.
“Anggapoy kapot tan balewet na satan; manaayam ira a biig ed arum.
32 Nasamsam iray kamelyo ra
Tan say dakel ya ayayep da.
Itayak ko ra ed kada dagem,*
Saramay akatlian so buek ed alupising da,+
Tan idapok ed sikara so kadederal manlapud nanduruman pasen,” so imbaga nen Jehova.
33 “Tan magmaliw ya ayaman na saray ason jakal so Hazor,
Agnapanayaman ed andi-anggaan.
Anggapoy manayam ditan,
Tan anggapoy toon mansiansia ed sikato.”
34 Oniay mensahe nen Jehova a sinmabi ed si propeta Jeremias nipaakar ed Elam,+ diad gapo na uley nen Arin Zedekias+ na Juda: 35 “Oniay inkuan nen Jehova na saray armada, ‘Puteren ko so pana na Elam,+ say lapuan* na biskeg da. 36 Iyakar kod Elam so apatiran dagem manlapud apatiran suyok na tawen, tan itayak ko ra ed sarayan amin a dagem. Anggapoy nasyon ya agnasabi na saramay nitaytayak a totoo na Elam.’”
37 “Buybuyaken ko ray Elamita ed arapan na saray kalaban da tan ed arapan na saramay malabay a mamatey ed sikara;* tan iyakar kod sikara so kadederal, say mandarlang a sanok ko,” so imbaga nen Jehova. “Tan ibakik so espada a mangusil ed sikara anggad naupot ko ra.”
38 “Tan iletneg kod Elam+ so tronok, tan deralen ko ditan so ari tan saray prinsipe,” so imbaga nen Jehova.
39 “Balet diad kaunoran iran agew et tiponen ko iramay naaripen a totoo na Elam,” so imbaga nen Jehova.