Oseas

13 “Nen nansalitay Efraim, ginmiwgiw iray totoo;

Sikatoy prominente ed Israel nensaman.+

 2 Natan et lalon dinmakel so kasalanan da

Tan nanggawa ra na saray metal ya estatua ya inusar da iray pilak da;+

Eksperto rad panaggaway idolo, a saratan ya amin et ginawa na saray marunong a komikimey.

 3 Kanian magmaliw iran singa lurem ed kabuasan,

Singa linaew a naandin tampol,

Singa taep ya intikyab na bagyo manlapud panag-ilikan,

Tan singa asewek ya ompapaway ed pasengawan ed atep.

 4 Balet siak si Jehova a Dios mo manlapu la nen wala kad dalin na Ehipto;+

Anggapo lay arum a Dios a kabat mo noag siak labat,

Tan anggapo lay arum a manangiliktar.+

 6 Naksel irad saray pangipapastolan ed sikara,+

Naksel ira tan nagmaliw a mapaatagey so puso ra,

 7 Magmaliw ak a singa mabiskeg a leon ed sikara,+

Singa leopardo a manatalaran ed dalan.

 8 Sabaten ko ra a singa oso a naandiay ananak,

Tan bingkasen koy pagew da.*

Singa ak leon a mangakmon ed sikara;

Sakey ya atap ya ayep so mamingbingkas ed sikara.

 9 Satan so maneral ed sika, O Israel,

Lapud sinmumpa kad siak, say mananulong mo.

10 Kawalaan sirin na arim pian ilaban to ka diad amin a syudad mo,+

Tan saray manuley* mo, a lapud sikara et ibabagam ya,

‘Ikdan mo ak na ari tan priprinsipe’?+

11 Inikdan ta kay ari lapud pasnok ko,+

Tan sikatoy alaen ko lapud sanok ko.+

12 Apunggos* so inkauges na Efraim;

Nisinop so kasalanan to.

Balet sikatoy sakey ya ugaw ya andiay karunongan;

Sikatoy ag-ompaway diad panaon na kiyanak to.

14 Dondonen ko rad pakayari na Lubok;*

Bawien ko rad patey.+

15 Anggano sikatoy magmaliw a mabuna ed kawalaan na saray tanubong,

Onsabi so dagem a manlalapud bukig, say dagem nen Jehova,

Onsabi itan manlapud desierto, pian pamagaen toy bobon to tan paekaten toy subol to.

Ompatey irad espada,+

Natemek iray ananak da,

Tan nabutbutyakan iray bibiin malukon.”