Salmo
Maskil.* Salmo nen Etan+ ya Ezrahita.
89 Kansionen ko so nipaakar ed pangipapatnag nen Jehova na matoor a panangaro to ya anggad angga.
Diad panamegley na sangik et ipaamtak so katooran mo diad amin a henerasyon.
2 Ta imbagak: “Say matoor a panangaro et magmaliw a mabiskeg* ya anggad angga,+
Tan say katooran mo et inletneg mon malet diad katawenan.”
4 ‘Pansiansiaen ko ya anggad angga so ilalak mo,*+
Tan pabiskegen koy tronom diad amin a henerasyon.’”+ (Selah)
5 Irarayew na katawenan iray makapakelaw a gawam, O Jehova,
On, say katooran mo diad kongregasyon na saray masanto.
6 Ta siopa ed saray walad tawen so makapipara ed si Jehova?+
Siopa ed saray ananak na Dios+ so mipara ed si Jehova?
7 Say Dios et daydayewen diad ulop* na saray masanto;+
Sikatoy magloria tan makapadinayew ed amin ya akapaliber ed sikato.+
8 O Jehova a Dios na saray armada,
Siopay makapanyari a singa sika, O Jah?+
Matoor ka ed amin a bengatla.+
10 Minekmek moy Rahab,+ a singa samay pinatey.+
Diad mabiskeg a taklay mo et intaytayak mo ray kalaban mo.+
11 Kayarian moy tawen tan say dalin;+
Say mabunan dalin tan amin a wadtan+—sikay angiletneg ed saratan.
12 Pinalsam so amianen tan say abalaten;
Say Tabor+ tan Hermon+ et malikeliket a mangidadayew ed ngaran mo.
14 Say inkatunong tan hustisya so pundasyon na tronom;+
Say matoor a panangaro tan katooran et manalalagey ed arapan mo.+
15 Maliket iramay totoon mangidadayew ed sika diad magayagan boses.+
Sikaray manaakar a nasisinagay liwawa na lupam, O Jehova.
16 Naynay iran manliliket lapud ngaran mo,
Tan nipaatagey ira lapud inkatunong mo.
18 Ta say panagsamper mi et nanlapud si Jehova,
Say ari mi et nanlapud Masanton Dios na Israel.+
19 Diad saman et akitongtong kad saramay matoor ed sika diad panamegley na pasingawey tan imbagam:
21 Say limak so manuporta ed sikato,+
Tan say taklay ko so mamabiskeg ed sikato.
22 Anggapoy kabusol ya onkerew na buis ed sikato,
Tan anggapoy mauges a toon mamairap ed sikato.+
24 Walad sikato so katooran ko tan say matoor a panangarok,+
Tan diad panamegley na ngaran ko et nipaatagey so inkabiskeg* to.
26 Sikatoy ontawag ed siak: ‘Sika so Amak,
Say Dios ko tan say Bato na kilalaban ko.’+
28 Ipatnag kod sikato ya anggad angga so matoor a panangarok,+
Tan seguradon nasumpal so impisipanan kod sikato.+
29 Pansiansiaen ko ya anggad angga so ilalak* to
Tan gawaen kon permanente so trono to a singa say tawen.+
30 No saray anak to et ikaindan day ganggan ko
Tan ag-ira manakar unong ed saray pananontonan* ko,
31 No sumlangen da ray totontonen ko
Tan agda unoren iray bilin ko,
32 Dusaen ko ra ed panamegley na lewet lapud inkamasunggay* da+
Tan siplatan ko ra lapud lingo ra.
35 Diad inkasantok et pinsanan ak a nansamba;
Agak mantila ed si David.+
36 Say ilalak* to et mansiansia ya anggad angga;+
Say trono to et mansiansia a singa say agew a walad arapan ko.+
37 Singa say bulan, niletneg itan a malet ya anggad angga
Bilang matoor a tasi ed tawen.” (Selah)
38 Balet sikatoy impulisay mo tan inkaindan mo;+
Sinmanok ka ed nilanaan mo.
39 Binenegan moy impisipanan mod lingkor mo;
Pinabanday moy korona to diad impangibantak mod dalin.
40 Tinetebag moy amin a padir to;*
Inggegebam iray malet a padir to.
41 Sikatoy tinakewan na amin ya ondadalan;
Sikatoy binalawbalaw na saray kakaabay to.+
43 Impulisay mo met so espada to,
Tan sikatoy impatalom ed guerra.
44 Impanganggam so karakpan to
Tan imbalsak mod dalin so trono to.
45 Pinatikey mo ray agew na inkatobonbalo to;
Sikatoy kinawesan mo na kababaingan. (Selah)
46 O Jehova, anggad kapigan mo iyamot so inkasika? Anggad angga?+
Kasin mantultuloy ya ondalang so sanok mo a singa apoy?
47 Nonot mo komon no panon katikey so bilay ko!+
Kasin anggapoy gagala na impamalsam ed amin a totoo?
48 Wala tay toon sarag toy manbilay tan agton balot nanengneng so ipapatey?+
Sarag to kasin iliktar so inkasikato* ed pakayari na Lubok?* (Selah)
49 Kawalaan la na saray matoor a panangaro ya impatnag mo nensaman, O Jehova,
A sinambaan mod si David diad katooran mo?+
50 O Jehova, nonot mo pay impangantiaw ed saray lingkor mo;
No panon kon intepel* iray panagkantiaw na amin a totoo;
51 No panon so impanmudmora na saray kalaban mo, O Jehova;
No panon dan minudmora so kada kupbang na nilanaan mo.
52 Narayew komon si Jehova ya anggad angga. Amen. Amen.+