Salmo
Parad direktor. Intono ed “Agka Manederal.” Salmo nen Asaf.+Sakey a kansion.
75 Misalamat kamid sika, O Dios, misalamat kamid sika;
Walad sikami so ngaran mo,+
Tan saray totoo et iyaabawag da ray makapakelaw a gawam.
2 Ibabagam: “Sano mangigana ak na panaon,
Patas so pangukom ko.
3 Sanen ginmiwgiw* so dalin tan amin a manaayam ditan,
Pinansiansiak a malet iray lusek to.” (Selah)
4 Ibabagak ed samay malastog, “Agka manlalastog,”
Tan diad samay mauges, “Agmo ipapaatagey so inkabiskeg* mo.
6 Ta say panangiyatagey
Et agmanlalapud bukig odino sagur odino abalaten.
7 Ta say Dios so Ukom.+
Walay toon iyaabeba to tan wala met so iyaatagey to.+
8 Ta walay kopa ed lima nen Jehova;+
Say alak et manburabura tan tinimplan maong.
Seguradon ikalbo to itan,
Tan amin a mauges ed dalin et inumen da itan ya anggad gaer.”+
9 Balet siak, iyabawag ko itan ya anggad angga;
Kansionan ko na panangidayew so* Dios nen Jacob.