Jeremias
50 Oniay imbaga nen Jehova nipaakar ed Babilonia,+ nipaakar ed dalin na saray Caldeo, diad panamegley nen propeta Jeremias:
2 “Ibaga yod saray nasyon tan ipakabat yo.
Mangitagey kayo na sakey a tanda* tan ipakabat yo.
Anggapoy iyaamot yo!
Ibaga yo, ‘Asakop lay Babilonia.+
Abaingan si Bel.+
Tinmakot si Merodac.
Abaingan iray imahen to.
Tinmakot iray makapadimlan idolo* to.’
3 Ta sikatoy nilusob na sakey a nasyon a nanlapud amianen.+
Pinagmaliw na satan so dalin to a sakey a pakataktakotan;
Anggapo lay manaayam ed sikato.
Tinmataynan la ray totoo tan ayayep;
Anggapo la ra.”
4 “Diad saratan ya agew tan diad satan a panaon,” so imbaga nen Jehova, “sankakaiban onsabi iray totoo na Israel tan totoo na Juda.+ Manak-akis ira legan iran manaakar,+ tan sankakaiba iran mananap ed si Jehova a Dios da.+ 5 Tepeten day dalan a paarap ed Sion, tan legan ya akaarap ira ed satan a direksion+ et ibaga ran, ‘Gali, ta mikasakey tayod si Jehova ed panamegley na sakey ya andi-anggaan a pisisipanan ya agnalingwanan.’+ 6 Nagmaliw a sakey a pulok na nababalang a karnero iray totook.+ Imbalang ira na saray managpastol da.+ Impanteyengteyeng da rad kapalandeyan, tan nanakar-akar ira ed palandey ya anggad pukdol. Alingwanan day pasen a panagpainawaan da. 7 Inakmon ira na amin ya akaromog ed sikara,+ tan inkuan na saray kakabusol da, ‘Anggapoy kasalanan mi ta nankasalanan irad si Jehova, say ayaman na inkatunong tan say ilalo na saray inmuunan atateng da, si Jehova.’”
8 “Taynan yoy Babilonia,
Paway kayod dalin na saray Caldeo,+
Tan magmaliw kayon singa saray manunaan ya ayayep ed pulok.
9 Ta turoen ko tan iyakar ko sumpad Babilonia
So sakey ya ulop na saray baleg a nasyon manlapud dalin ed amianen.+
Mandarasig iran milaban ed sikato;
Sikatoy nasakop.
Saray pana ra et singa saray pana na sundalo,
A pansengegay ipatey na saray ananak;+
Ag-iratan ompawil ya anggapoy resulta.
10 Magmaliw a samsam so Caldea.+
Napenek a maong so amin a mangalay samsam ed sikato,”+ so imbaga nen Jehova.
11 “Ta nantultuloy kayon nanliket+ tan nanggayaga
Sanen sasamsamen yo so tawir ko.+
Ta onggagatin kayon singa malangwer a baka a walad dika,
Tan manungol kayo a singa saray kalakian a kabayo.
12 Abaingan so ina yo.+
Adismaya imay angiyanak ed sikayo.
Sikatoy sankaabebaan ed saray nasyon,
Sakey a kalawakan ya andiay danum tan sakey a desierto.+
Nataktakot so siopaman ya ondalan a makanengneng ed Babilonia,
Tan manngisiw lapud amin a salot a dinmapo ed sikato.+
14 Mandarasig kayon milaban tan paliberan yoy Babilonia,
Amin yon mamipinat* na pana.
15 Ikelyaw yod kaliberliber to so eyag na piguerra.
Sikatoy sinmuko la.*
Bales kayo ed sikato.
Gawa yod sikato so singa ginawa to.+
16 Paandi yod Babilonia so tomatanem na bukel
Tan samay manpapalot diad panaon na panag-ani.+
Lapud maruksan espada et pawilen na balang sakey so kabaleyan to,
Ombatik so balang sakey ed dilin dalin to.+
17 “Singa nitaytayak a karnero iray totoo na Israel.+ Inablog ira na saray leon.+ Unona, sikaray inakmon na ari na Asirya;+ insan nginatngat nen Arin Nabucodonosor* na Babilonia iray pukel da.+ 18 Kanian oniay inkuan nen Jehova na saray armada, say Dios na Israel: ‘Dusaen ko so ari na Babilonia tan say dalin to a singa impanusak ed ari na Asirya.+ 19 Tan ipawil koy Israel ed pasen a pangipapastolan ed sikato,+ tan sikatoy mankabkab diad Carmel tan Basan,+ tan sikatoy* napesel diad kapalandeyan na Efraim+ tan Gilead.’”+
20 “Diad saratan ya agew tan diad satan a panaon,” so imbaga nen Jehova,
“Anapen da so kasalanan na Israel,
Balet anggapoy naromog da,
Tan agnaromog iray kasalanan na Juda,
Ta perdonaen ko iramay inabuloyan kon nabilay.”+
21 “Tatdang ka sumpad dalin na Merataim tan sumpad saray manaayam ed Pekod.+
Paulyan mo ran napatey ya amin tan sigpot a naderal,”* so imbaga nen Jehova.
“Gawam so amin ya ingganggan kod sika.
22 Walay ungol na guerra diad dalin,
Sakey a baleg a kadederal.
23 Agaylay inkaputer tan inkaderal na samay maso a manetemek ed interon dalin!+
Agaylay impagmaliw na Babilonia a pakataktakotan na saray nasyon!+
24 Angiyan ak na patit parad sika, tan narel ka, O Babilonia,
Tan agmo itan amta.
Aromog ka tan narel ka,+
Ta si Jehova so nilabanan mo.
25 Nilukasan nen Jehova so pasen a panagsimpenan to,
Tan impaway to ray armas na sanok to.+
Ta walay gawaen na Soberanon Katawan a Jehova na saray armada
Diad dalin na saray Caldeo.
26 Sikatoy lusob yo manlapud arawin pasen.+
Lukasan yo ray kamalir to.+
Sikatoy pagmaliwen yon bunton, a singa saray bunton na ilik.
Sikatoy sigpot yon deralen.+
Anggapo komoy ikera yod sikato.
27 Patey yon amin so kilaw a kalakian a baka to;+
Iyakar yo ra ed panagpateyan.
Pakaskasi la ra, ta sinmabi lay agew da,
Say panaon na pikuentaan ed sikara!
28 Walay ibabando na saramay ombabatik,
Saramay ontatakas ed dalin na Babilonia,
Pian ipakabat da ed Sion so panangibales nen Jehova a Dios tayo,
Say panangibales parad templo to.+
Mankampo kayo ed kaliberliber to; agyo aabuloyan a walay makatakas.
Ibales yod sikato iray ginawa to.+
Gawa yod sikato so singa ginawa to.+
Ta sikatoy kinmiwas a mapaatagey sumpad si Jehova,
Sumpad Masanton Dios na Israel.+
30 Kanian natumba ed saray plaza to iray kalangweran a lalaki ditan,+
Tan ompatey* so amin a sundalo to diad satan ya agew,” so imbaga nen Jehova.
31 “Onsumpa ak ed sika,+ O sikan mapaatagey,”+ so imbaga na Soberanon Katawan a Jehova na saray armada,
“Ta onsabi lay agew mo, say panaon na pikuentaan kod sika.
32 Natiror tan natumba ka, O sikan mapaatagey,
Anggapoy mangibangon ed sika.+
Tan poolan ko ray syudad mo,
Tan upoten na satan so amin a walad kaliberliber mo.”
33 Oniay inkuan nen Jehova na saray armada:
“Napapairap iray totoo na Israel tan Juda,
Tan ag-ira imbulos na amin ya angerel ed sikara.+
Agda ra labay ya ibulos.+
34 Balet mabiskeg so Mananondon da.+
Say ngaran to et Jehova na saray armada.+
Seguradon idepensa to so kaso ra,+
Pian ikdan toy pakainawaan so dalin da+
Tan guloen to ray manaayam ed Babilonia.”+
35 “Walay espada sumpad saray Caldeo,” so imbaga nen Jehova,
“Sumpad saray manaayam ed Babilonia, saray prinsipe to, tan saray makabat ditan.+
36 Walay espada sumpad saray mansasalitay andi-kakanaan,* kanian onkiwas iran makulangkulang.
Walay espada sumpad saray sundalo to, kanian nataktakot ira.+
37 Walay espada sumpad saray kabayo ra, saray karwahe ran pan-guerra,
Tan sumpad amin a dayo a manaayam ditan,
Kanian magmaliw iran singa bibii.+
Walay espada sumpad saray kayamanan to, kanian nasamsam iratan.+
38 Naderal iray danum to, tan onekat iratan.+
Ta sakey itan a dalin a kawalaan na saray imahen,+
Tan lapud makapataktakot iran pasingawey da et kinmiwas iran singa atapis.
39 Kanian sankaiban manayam iray ayep ed desierto tan saray mantagloong ya ayep,
Tan saray ostrits so manayam ed sikato.+
Sikatoy aglan balot panayaman na too,
Tan agla napanayaman diad ilabas na amin a henerasyon.”+
40 “Singa say impaneral na Dios ed Sodoma tan Gomorra+ tan ed saray kaabay dan baley ya asingger ed sikara sanen dineral iratan na Dios,”+ so imbaga nen Jehova, “anggapoy manayam ditan, tan anggapoy toon mansiansia ditan.+
41 Wala ray totoon onsasabi manlapud amianen;
Sakey a baleg a nasyon tan maglorian arari+ so onalagey
Manlapud sankaarawian iran pasen na dalin.+
42 Akaawit ira na pana tan jabelin.+
Maruksa ra tan anggapoy panangasi ra.+
Say ungol da et singa madaluyon a dayat,+
Legan iran akakabayo.
Nankakasakey iran nandarasig a miguerra ed sika, O anak a bii na Babilonia.+
Sikatoy agonigon,
Tan akalikna na sakit, a singa biin manaanak.
44 “Walay singa sakey a leon ya ompaway ed makapal a kakiewan a walad abay na Jordan pian atakien iray maligen a panagpastolan, balet sikaray biglan pataynanen ko ed dalin to. Tan samay apili so turoen kon manuley ed sikato.+ Ta siopay mipara ed siak, tan siopay makaamper ed siak? Siopan managpastol so makatalindeg ed arapan ko?+ 45 Kanian dengel yoy desisyon* nen Jehova sumpad Babilonia,+ tan say ninonot to sumpad dalin na saray Caldeo.
Nigayugoy iray angkekelag a karnero ed pulok.
Lapud sikara et pagmaliwen ton agnapanayaman so ayaman da.+
46 Onyegyeg so dalin sano narengel so ungol ya asakop lay Babilonia,
Tan narengel so pannangis ed saray nasyon.”+