Salmo

132 O Jehova, nonot mo pay David

Tan say amin a paniirap to;+

 2 No panon a sikatoy nansamba ed kinen Jehova,

No panon a sikatoy angisipan ed Makapanyarin Dios nen Jacob:+

Agak ondukol ed ugipan ko, diad dukolan ko;

 4 Agko abuloyan ya onugip iray matak,

Odino onlirep iray lukablukab na matak

 5 Anggad agak makaromog na pasen parad si Jehova,

Sakey ya alay abig ya ayaman* parad Makapanyarin Dios nen Jacob.”+

 6 Nadngel mi ed Efrata+ so nipaakar ed satan;

Aromog mi itan diad saray kakiewan.+

 7 Onloob itayo ed ayaman to;*+

Ondakmomo itayo diad salian to.+

 8 Alagey ka O Jehova, la ka ed painawaan mo,+

Sika tan say Kaban a simbolo na biskeg mo.+

 9 Komon ta nakawesan na inkatunong iray saserdotem,

Tan oneyag ed liket iray matoor ed sika.

10 Agmo komon ipupulisay so* nilanaan mo

Nisengeg ed si David a lingkor mo.+

11 Sinambaan nen Jehova ed si David;

Seguradon agto benegan so salita to:

“Payurongen ko ed tronom

So sakey ed saray ilalak mo.*+

12 No sumpalen na saray ananak mo so sipanan ko

Tan saray panonot ko ya ibabangat kod sikara,+

Saray ananak da met

Et onyurong ed tronom ya anggad angga.”+

13 Ta pinili nen Jehova so Sion;+

Pinirawat ton gawaen itan ya ayaman to,+ a kuan to:

14 “Saya so painawaan ko ya anggad angga;

Dia so panayaman ko,+ ta saya so pirawat ko.

15 Bendisyonan ko iya na dakel a naakan;

Saray mairap-bilay dia et peselen koy tinapay.+

16 Kawesan ko na kililiktar iray saserdote to,+

Tan oneyag ed liket iray matoor ed sikato.+

18 Saray kakabusol to et kawesan ko na kababaingan,

Balet say korona ed ulo to et onkirlap.”+