Salmo

67 Ipatnag na Dios ed sikami so kaabigan to tan bendisyonan to kami;

Paliwawaen tod sikami so lupa to+ (Selah)

 2 Pian say dalan mo et nakabatan ed interon dalin,+

Saray panangiliktar mo diad amin a nasyon.+

 3 O Dios, idayew ka komon na totoo;

Idayew ka komon na amin a totoo.

 4 Panggayagaen mo tan paeyagen mod liket iray nasyon,+

Ta patas so pangukom mo ed saray totoo.+

 5 O Dios, idayew ka komon na totoo;

Idayew ka komon na amin a totoo.

 6 Say dalin et mangiter na bunga to;+

Bendisyonan itayo na Dios, say Dios tayo.+

 7 Bendisyonan itayo na Dios,

Tan sikatoy takotan* na amin a totoo ed interon dalin.+