Salmo
Pikakasi na sakey a nalalames sano maneermen* tan ibabalikas toy kapagaan to ed si Jehova.+
2 Agmo komon iyaamot so lupam diad panaon a nagogonigon ak.+
3 Ta saray agew ko et naaandi a singa asewek,
Tan saray pukel ko et apugit a singa panagpoolan.+
4 Say pusok et asakitan tan amagaan a singa dika,+
Ta nalilingwanan koy mangan.
6 Singa ak pelikano diad saray agpanaayaman a pasen;
Singa ak melag a kulayot diad saray geray.
8 Inagew-agew ak a kakantiawan na kakabusol ko.+
Saramay mamabalaw ed siak* et uusaren day ngaran ko ed panag-ayew.
9 Ta say kakanen kon pinagkatinapay ko et dapol,+
Tan say iinumen ko et nalalaokan na lua,+
10 Lapud pasnok tan sanok mo,
Ta inalsam ak pian labat ibantak mo.
12 Balet sika, O Jehova, mansiansia ka ya anggad angga,+
Tan say inkabantog* mo et mansiansia diad amin a henerasyon.+
13 Seguradon onalagey ka tan kasian moy Sion,+
Ta panaon la pian ipatnag mod sikato so kaabigan mo;+
Asabi lay aturon panaon.+
15 Saray nasyon et ontakot ed ngaran nen Jehova,
Tan amin ya arari ed dalin et ontakot ed gloriam.+
19 Ta si Jehova et onuusdong manlapud masanton pasen tod tagey,+
Manlapud tawen et sikatoy onnenengneng ed dalin,
20 Pian dengelen toy akis na saray apriso,+
Pian ibulos to iramay senentensiaan na ipapatey,+
21 Pian say ngaran nen Jehova et niyabawag diad Sion+
Tan say dayew to diad Jerusalem,
22 Sano saray totoo tan saray panarian
Et mantitipon pian manlingkor ed si Jehova.+
23 Asakbay ton inekal so biskeg ko;
Pinatikey to ray agew ko.
24 Inkuan ko: “O Dios ko,
Agmo panasampoten so bilay ko ta agak ni tinmatken,
Sika a saray taon mo et onaabot diad amin a henerasyon.+
25 Inletneg mo ray pundasyon na dalin nensaman a panaon,
Tan say katawenan et ginawa na saray limam.+
26 Naderal iratan, balet mansiansia ka;
Amin da et singa kawes ya ondaan.
Singa ra kawes a salatan mo, tan naandi la ra.
27 Balet agka manguman, tan agbalot manampot iray taon mo.+
28 Saray anak na lingkor mo et manayam ed kaligenan,
Tan saray ilalak da et mansiansia diad arapan mo.”+