Introduksion

SAYAN libro et tua iray istorya to. Inala iraya ed libron kabkabat ed interon mundo, say Biblia. Naamtaan dia iray agawa manlapu la nensaman anggad natan. Iyiistorya to ni ingen no antoy gawaen na Dios diad arapen.

Naaralan mod sayan libro no antoy karga na Biblia. Naamtaan mo dia iray totoo nensaman tan saray ginawa ra. Nabasam met so nipaakar ed bilay ya andi-angga diad paraison dalin ya iter na Dios ed totoo.

Walay 116 ya istorya ed sayan libro. Inapag iraya ed waloran parte. Diad gapo na kada parte et naamtaan mo no antoy karga na satan. Saray istorya et nantutumbokan ya agawa. Makatulong iya pian antam no anto ray sinmusublay.

Mainomay ya natalosan iray istorya. Sikayo ran ugugaw et sarag yon basaen iya a bukor. Tan nanengneng yo ran atateng ya labalabay na angkekelag nin ananak yo ya ipaulit ya ipabasad sikayo iray istorya. Sayan libro et panliketan a basaen na ugugaw tan na mamatatken.

Wala ray teksto na Biblia diad sampot na kada istorya. Komon ta basaen yo irayan parte na Biblia ya angalaan ed saray istorya. Tan kada no nasumpal yon basaen so sakey ya istorya, sali yon ebatan iray tepet ya walad sampot iran pahina.