Ermen Lapud Inateyan

Anto ran alimbawa ed Biblia so mangipapanengneng ya normal labat so manermen no inateyan itayo?

Ge 23:2; 24:67; 37:34, 35; 42:36; Jn 11:19, 31, 33-36

Nengnengen met so 2Sa 1:17-27; Gaw 9:36-39

Antoy mangipapanengneng ya pipirawaten odino labalabay nen Jehova ya ligliwaen iray maneermen?

Sal 34:18; Isa 57:15; 61:1, 2

Akin et makaligliwan naamtaan so kipapasen na saray inatey?

Ec 9:5, 10; 1Te 4:13

Saray alimbawa ed Biblia:
- Luc 20:37, 38—Imbaga nen Jesus ya talagan nagawa so kioli; lapud segsegurado itan, impasen nen Jehova iray inaatey ya singa ni ra mabilay
- Jn 11:5, 6, 11-14—Nen inatey so kaaro nen Jesus ya si Lazaro, inkompara To so patey ed ugip
- Heb 2:14, 15—Impaliwawa nen apostol Pablo ya dakel so naaripen na takot ed patey, agtayo komon ontan

Akin et mas maabig so ngaran na sakey a too diad ipatey to nen say diad inkiyanak to?

Pro 22:1; Ec 7:1, 2

Panon ya indeskribe na Biblia so patey, tan antoy gawaen na Dios ed patey?

Isa 25:8; 1Co 15:26; Apo 20:14; 21:3, 4

Akin et segurado tayo ya walay kioli diad arapen?

Isa 26:19; Jn 5:28, 29; Gaw 24:15

Saray alimbawa ed Biblia:
- Walay siameran pinaoli ya akarekord ed Biblia, walora ed sikara so pinaoli pian manbilay diad dalin. Saratan ya salaysay et makaligliwa tan mangiter na ilalo ed saray mane-ermen ya inateyan
  - 1Ar 17:17-24—Pinaoli nen propeta Elias so anak na balon bii ya taga Zarepat, diad baley na Sidon
  - 2Ar 4:32-37—Pinaoli nen propeta Eliseo so ugaw ya laki diad baley na Sunem, insan inter to so ugaw ed atateng to
  - 2Ar 13:20, 21—Nen imbuntok so sakey ya inatey ya laki diad angiponponan ed si propeta Eliseo, nidiwit so bangkay to ed pukel nen Eliseo tan abilay
  - Luc 7:11-15—Diad syudad na Nain, pinatunda nen Jesus so tulor pian paolien so anak a laki na balon bii
  - Luc 8:41, 42, 49-56—Pinaoli nen Jesus so anak a bii nen Jairo, sakey ya manangasikaso na sinagoga
  - Jn 11:38-44—Pinaoli nen Jesus so inar-aro ton kaaro ya si Lazaro, kanian akaiba lamet nen Lazaro iray agagi ton si Marta tan Maria
  - Gaw 9:36-42—Pinaoli nen apostol Pedro si Dorcas, sakey ya inad-aron Kristiano ya kabkabat lapud kaabigan tan inkamaiter to
  - Gaw 20:7-12—Pinaoli nen apostol Pablo so kabataan a laki ya si Eutico, ya inatey ta naplag
- Pinaoli nen Jehova si Jesus bilang imortal ya espiritu, garantiya itan ya amin ya promisa To et nagawan-nagawa
  - Gaw 17:31; 1Pe 3:18
- Si Jesus so inmunan pinaoli ed tawen tan naikdan na imortal ya bilay, pero, aliwan sikato so sampot; saray 144,000 ya alanaan ya papatumbok to et makaawat met na ontan ya klase na kioli
  - 1Co 15:20, 23, 51-53; 1Te 4:16, 17; Apo 14:1

Panon tayon natulongan iray maneermen ya inateyan na inad-aro?

Rom 12:15; 2Co 1:3, 4; 1Pe 3:8