Titulo; Pananawag
Dapat kasin mangusar iray Kristiano na relihyoson titulo o pananawag?
Alimbawa ed Biblia:
Luc 18:18, 19—Anggano maong si Jesus, agpinmayag ya sikatoy tawagen ya “Maong a Managbangat,” tan imbaga ton anggapoy arum ya maong noag si Jehova
Akin et ag-uusaren na saray Kristiano iray relihyoson titulo ya singa say “Ama [o Father]” odino “Lider”?
Saray alimbawa ed Biblia:
Mat 23:9-12—Imbawal nen Jesus so pangusar na relihyoso iran titulo, ya singa say “Ama [o Father]” odino “Lider”
1Co 4:14-17—Anggano dakel so angituring ed si apostol Pablo ya ama, agda tinawag ya Father Pablo
Akin et duga ya tawagen tayoy sakey tan sakey ya brother tan sister?
Nengnengen met so Gaw 12:17; 18:18; Rom 16:1
Alimbawa ed Biblia:
Mat 12:46-50—Impalinew nen Jesus ya saray kapara ton mandadayew ed si Jehova et agagi to
Akin et sarag ya usaren na saray Kristiano iray titulo ya parad saray manuley, ukom, tan arum nin opisyal?
Alimbawa ed Biblia:
Gaw 26:1, 2, 25—Tinawag nen apostol Pablo iray manuley ya si Agripa tan Festo ed saray opisyal ya titulo da