Mapaabeba
Antoy pangituturing nen Jehova ed saray mapaabeba tan mapaatagey?
Sal 138:6; Pro 15:25; 16:18, 19; 22:4; 1Pe 5:5
Nengnengen met so Pro 29:23; Isa 2:11, 12
Saray alimbawa ed Biblia:
2Aw 26:3-5, 16-21—Nagmaliw ya mapaatagey si Arin Uzias; agto inunor so ganggan na Dios tan nampasnok nen binano da; sikatoy dinusa na Dios tan akating o aketong
Luc 18:9-14—Angusar si Jesus na ilustrasyon pian ipaliwawa no antoy nalilikna nen Jehova ed pikakasi na toon mapaatagey tan toon mapaabeba
Antoy gawaen nen Jehova no manpaabeba tayo tan impapuson magbabawi?
2Aw 7:13, 14; Sal 51:2-4, 17
Saray alimbawa ed Biblia:
2Aw 12:5-7—Mapaabeban inawat nen Arin Rehoboam tan saray prinsipe na Juda so desisyon nen Jehova tan nagbabawi ra, kanian agto ra dineral
2Aw 32:24-26—Nagmaliw ya mapaatagey so maong ya arin si Hezekias, pero pinerdona nen Jehova nen nampaabeba
Panon ya makatulong so kapaabebaan pian ondakep so ulopan tayo?
Efe 4:1, 2; Fil 2:3; Col 3:12, 13
Saray alimbawa ed Biblia:
Ge 33:3, 4—Agaylay pasnok nen Esau ed si Jacob, pero makapadinayew so kapaabebaan nen Jacob nen akapannengneng ira, kanian nipawil may balibalin ulopan da
Uk 8:1-3—Mapaabeban imbaga nen Ukom Gideon ed saray lalaki ed Efraim ya mas superyor ira nen say sikato, kanian kinmepay sanok da tan apaliisay panlalaban
Panon ya imbangat nen Jesu-Kristo ya importante so kapaabebaan?
Mat 18:1-5; 23:11, 12; Mar 10:41-45
Saray alimbawa ed Biblia:
Isa 53:7; Fil 2:7, 8—Singa nipropesiya, mapaabeban inawat nen Jesus so asainmin to diad dalin tan inmabuloy ni ingen ya namaltrato tan ompatey ed panamairapan a poste
Luc 14:7-11—Inusar nen Jesus so pampili na yurongan diad sakey ya okasyon pian ipanengneng ya importante so kapaabebaan
Jn 13:3-17—Imbangat nen Jesus iray papatumbok to ya manpaabeba nen inurasan toy sali na saray apostol to