Panangasawa
Panon ya ginmapo so panangasawa?
Siopa so pilien na sakey a Kristiano ya asawaen o piasawaan?
Akin et ag-onabuloy so tuan Kristiano ya mangasawa o miasawa so bautismadon anak to ed sakey ya aliwan dedikado, bautismadon lingkor nen Jehova?
Saray alimbawa ed Biblia:
Ge 24:1-4, 7—Desidido so maedad lan si Abraham ya iyanapan so anak ton si Isaac na asawa diad saray manlilingkor ed si Jehova, aliwan diad saray Canaanita ya manlilingkor ed arum ya dirios
Ge 28:1-4—Ingganggan nen Isaac so anak ton si Jacob ya mananap na asawaen to ed saray kapananisiaan, aliwan diad saray Canaanita
Antoy nalikna nen Jehova no say sakey et mangasawa o miasawa ed agmananisia?
Saray alimbawa ed Biblia:
1Ar 11:1-6, 9-11—Sinmanok si Jehova ed si Arin Solomon ta imbaliwala toy pasakbay ya agmangasawa na dayon bibii, tan nampaimpluensya ed kaasawaan to ya mandayew ed palson dirios
Ne 13:23-27—Singa si Jehova, sinmanok si Gobernador Nehemias nen angasawa iray Israelita na dayon bibii ya agmandadayew ed si Jehova, kanian dinisiplina tan impetek to ra
Akin et duga labat ya say pilien na sakey ya asawaen o piasawaan et matoor ya manlilingkor ed si Jehova tan maong so reputasyon to?
Nengnengen met so Efe 5:28-31, 33
Saray alimbawa ed Biblia:
1Sa 25:2, 3, 14-17—Si Nabal et mayaman ya too pero maruksa tan aliwliway ugali to, kanian aliwan maong ya asawa ed si Abigail
Pro 21:9—No aliway napili na sakey ya asawaen o piasawaan, magmaliw ya maermen so bilay to tan anggapoy deen to
Rom 7:2—Impaliwawa nen apostol Pablo ya no miasawa so sakey a bii, kailangan ya sikatoy manpasakop ed autoridad na aliwan perpekton asawa to; kanian say marunong ya bii et manpilin maong no siopay piasawaan to
No manpaparaan lan mangasawa o miasawa
Antis ya mangasawa, akin et kailangan ya seguroen ni na sakey ya laki ya sarag ton legpeten so magmaliw ya pamilya to?
Alimbawa ed Biblia:
Pro 24:27—Antis ya mangasawa tan nawalaan na ananak so sakey a laki, kailangan ya makuli pian nalegpet toy pamilya to
No say duaran agi et manggustoan, akin et onkerew iray advice tan kabaten da nin maong so sakey tan sakey imbes ya manpokus irad itsura?
Saray alimbawa ed Biblia:
Ru 2:4-7, 10-12—Akabkabat nen Boaz si Ruth ta inobserbaan toy panagkimey to, inamta toy reputasyon to, say pakikitungo to ed si Noemi, tan say espiritualidad to
Ru 2:8, 9, 20—Akabkabat nen Ruth si Boaz ta naobserbaan toy kaabigan, inkamaiter, tan panangaro tod si Jehova
Akin et labay nen Jehova ya mansiansian malinis ed moral iray saninaro tan magano lan mankasal?
Saray alimbawa ed Biblia:
Pro 5:18, 19—Wala ray paraan na pangipanengneng na panangaro ya para labat ed sanasawa
Kan 1:2; 2:6—Nen saninaro imay pastol tan Sulamita, impanengneng day panangaro rad sakey tan sakey balet diad malinis ya paraan, aliwan marutak
Kan 4:12; 8:8-10—Nansiansian malinis ed moral imay Sulamita tan walay kontrol tod sarili to, ya singa tinalakan ya hardin
Akin et dapat ya legal so kasal na sanasawa?
Papel na asawan laki
Anto ray ambelat ya responsibilidad na asawan laki?
Siopay dapat ya aligen na Kristianon asawan laki tungkol ed inkaulo?
Akin et kailangan ya maaro so asawan laki tan natatalosan toy asawa to?
Saray alimbawa ed Biblia:
Ge 21:8-12—Ag-agustoan nen Abraham so suhestion nen Sara, pero binagaan nen Jehova si Abraham ya dengelen toy asawa to
Pro 31:10, 11, 16, 28—Samay asawa na maong ya asawan bii ya deneskribe ed sarayan bersikulo et agto kokontrolen tan aanapan na lingo so asawa to, imbes, pantitiwalaan to tan irarayew to
Efe 5:33—Diad sulat nen apostol Pablo, impaamta to ya kaukolan na asawan bii so panangaro na asawa to
Papel na asawan bii
Anton importantin responsibilidad so inter nen Jehova ed saray Kristianon asawan bibii?
Kasin abebbeba so papel na saray asawan bibii?
Saray alimbawa ed Biblia:
Pro 1:8; 1Co 7:4—Diad pamilya, walay inter na Dios ya autoridad ed asawan bii tan ina
1Co 11:3—Impaliwawa nen apostol Pablo ya diad uksoyan nen Jehova, walay pampapasakopan na amin, puera labat ed Makapanyarin-amin a Dios
Heb 13:7, 17—Diad kongregasyon, parehon manpapasakop tan ontutulok iray lalaki tan bibii ed saray mangidadaulo
Panon ya napaliket na Kristianon asawan bii si Jehova, anggano aliwan mananisia so asawa to?
Akin et kailangan ya respetoen na Kristianon asawan bii so asawa to?
Alimbawa ed Biblia:
Ge 18:12; 1Pe 3:5, 6—Walay aralem ya respeto nen Sara ed asawa to, tan impasen ton “katawan” to odino espiritual ya ulo to
Anton klase na asawan bii so irarayew na Biblia?
Saray alimbawa ed Biblia:
Ge 24:62-67—Tinulongan nen Rebeca so asawa ton si Isaac ya naligliwa ed impakaandi na ina to
1Sa 25:14-24, 32-38—Nen akikasi tan nampaabeba si Abigail ed si David, aprotektaan nen Abigail so makulangkulang ya asawa to tan say sankaabungan da
Es 4:6-17; 5:1-8; 7:1-6; 8:3-6—Pian naprotektaan so totoo na Dios, amiduan inrisga nen Reyna Ester so bilay to nen inmarap ed ari, ya asawa to, anta ag-impatawag
No panon ya ayosen iray agpantatalosan
Anto ran prinsipyo so makatulong ed sanasawa pian naayos da ray problema ed panamaley da?
Anto ran prinsipyo so makatulong ed sanasawa pian balanse iray desisyon da tungkol ed kuarta?
Luc 12:15; Fil 4:5; 1Ti 6:9, 10; Heb 13:5
Nengnengen met so “Kuarta”