Pikakasi
Panon tayon amta ya dedengelen tan eebatan nen Jehova iray pikakasi tayo?
Nengnengen met so Sal 66:19; Gaw 10:31; Heb 5:7
Saray alimbawa ed Biblia:
1Ar 18:36-38—Tampol ya inebatan nen Jehova so pikakasi nen propeta Elias diad Palandey Carmel legan na komprontasyon tod saray propeta nen Baal
Mat 7:7-11—Papasesegen itayo nen Jesus ya mantultuloy ya manpikasi tan ipapaseguro to ya dengelen itayo na maaron Ama tayon si Jehova
Siopa labat so dapat ya pampikasian na saray Kristiano?
Manpikasi tayo diad panamegley na siopa?
Siopa ray dedengelen nen Jehova no manpipikasi ira?
Siopa ray agdedengelen nen Jehova no manpipikasi ira?
Pro 15:29; 28:9; Isa 1:15; Miq 3:4; San 4:3; 1Pe 3:7
Saray alimbawa ed Biblia:
Jos 24:9, 10—Agdinengel nen Jehova si Balaam ta kontrad panlabayan To so impikasi to
Isa 1:15-17—Lapud mansimpisimpitan iray totoo nen Jehova tan ‘napnoy dala so lima’ ra, agto dinengel iray pikakasi ra
Antoy ibabaga tayo diad sampot na pikakasi, tan akin?
Wala kasi ibabaga na Biblia ya espisipikon posisyon na laman no manpipikasi?
1Ar 8:54; Mar 11:25; Luc 22:39, 41; Jn 11:41
Nengnengen met so Jon 2:1
Anto ray nayarin ipikasi ed si Jehova no mantitipon tayo parad panagdayew?
Saray alimbawa ed Biblia:
1Aw 29:10-19—Indaulo nen Arin David so pikakasi ed kongregasyon na Israel sanen akolekta so boluntaryon donasyon na totoo parad templo
Gaw 1:12-14—Saniiban nampikasi ed sakey ya kuarto ed Jerusalem iray apostol, agagi nen Jesus, ina nen Jesus ya si Maria, tan arum nin matoor ya bibii
No mangidadaulo na pikakasi so sakey, akin ya agdapat manlastog o manpa-impress?
Akin et manpikasi tayo antis ya mangan?
Akin ya agtayo papaulyanan so manpikasi ed Ama tayod tawen?
Rom 12:12; Efe 6:18; 1Te 5:17; 1Pe 4:7
Saray alimbawa ed Biblia:
Da 6:6-10—Anggano bilay toy kasalat, ag-intunda nen propeta Daniel so niyugali to lan panagpikasi ed si Jehova diad lugar ya nanenengneng na arum
Luc 18:1-8—Pian ipanengneng ya dengelen itayo na matunong ya Ama tayo no agtayo onsawan manpikasi, inusar nen Jesus bilang ilustrasyon so agmatunong ya ukom ya pinagbigyan to lanlamang so bii ya paulit-ulit ya onkekerew na hustisya
Anton ugali so dapat tayon ipanengneng pian dengelen na Dios so ikekerew tayoy panamerdona?
Saray alimbawa ed Biblia:
2Ar 22:11-13, 18-20—Lapud nampaabeba si Arin Josias tan ginawa toy panlabayan nen Jehova, naawat toy panangasi tan pabor To
2Aw 33:10-13—Mapaabeban nampikasi si Arin Manases kanian pinerdona nen Jehova tan nipawil bilang ari
Antoy gawaen tayo pian perdonaen itayo nen Jehova?
Akin ya ibaga tayod pikakasi tayo ya labay tayon nagawa so linawa na Dios?
Akin ya kailangan ya napatnagan ed pikakasi tayo so tiwala tayod Ama tayod tawen?
Anto ray sarag tayon ipikasi?
Napasanto so ngaran na Dios
Say isabi na Panarian na Dios ya manuley ed interon dalin
Say pakasumpal na linawa nen Jehova
Ikerew na materyal ya pankaukolan
Panamerdona ed saray kasalanan tayo
Nalabanan iray tukso
Pisasalamat
Kerew ya naamtaan so linawa na Dios, ikerew na pakatalos tan karunongan
Nengnengen met so Sal 119:34
Alimbawa ed Biblia:
1Ar 3:11, 12—Aliketan si Jehova nen kinmerew na karunongan si Arin Solomon, kanian mas ni so inter To
Kerewen so masanton espiritu
Ipikasi iray kaagian, lalo la ray napapasegsegang
Panangirayew
Saray alimbawa ed Biblia:
Luc 10:21—Indayew nen Jesus so Ama to diad arapan na dakel ya totoo ta impaamta Toy espiritual ya katuaan ed saray mapaabeba ya singa saray ugugaw
Apo 4:9-11—Inter na saray anghel so gloria tan galang ya kanepegan nen Jehova
Kerewen ya ag-itayo bawalan na autoridad ya mandayew ed si Jehova tan manpulong
Nengnengen met so Jer 29:7
Duga labat kasi so manpikasi diad pampabautismo tayo?
Duga labat kasi ya ipikasi iray mansasakit ed espiritual?
Akin et agmanpapandong iray lalaki no manpipikasi ira, tan akin balet ya no maminsan et manpapandong iray bibii no manpipikasi ira?
Likud ed karukey odino emosyon, anto ni mas importante no manpipikasi tayo?
Saray alimbawa ed Biblia:
1Ar 18:25-29, 36-39—Bilang ebat ed pangakantiaw nen propeta Elias, inkasi-kasil na saray propeta nen Baal so panatawag dad dios da anggad asabi day labi, pero anggapoy inmebat
Gaw 19:32-41—Duay oras ya inmeyag iray mandadayew ed diosa ya si Artemis diad Efeso, pero anggapoy agunggona ra, tan binano ira na managrekord na saray nagagawa ed syudad