“Solusyon ed Amin a Problema Tayo”

Ontan so imbaga na sakey a toon walad kalangweran ed Puerto Rico a naromog ed libron Your Youth​—Getting the Best out of It. Insulat to:

“Agni abayag et insulat ko ed sikayo so nipaakar ed sakey a problemak, masterbasyon, tan kinerew kon palaboan yo ak na arum a simbawa diad panamegley na kipresenta na arum ya impormasyon ed magasin yo. Bueno, sakey a kaarok, sakey ed saray Tasi nen Jehova, so angiter ed siak na libron Your Youth​—Getting the Best out of It a basaen. Saya so agawa ed apalabas a sakey bulan. Labay kon naamtaan yo a nanlapulad impakabasak ed kapitulo 5 na sayan libro, sayan ugali so tinundaan ko la. Amoriak a say masterbasyon so aliwan peteg a bengatlan nakakaukolan na sakey. . . .

“Labay ko no kada toon walad kalangweran so mamasa ed sayan libro, anggaman anto so relihyon to. Amin a totoon walad kalangweran so walaan na parehon problema, tan sayan libro so singa sakey a kayamanan, lapud walaan na solusyon ed amin a problema tayo. . . . Nepeg yon itultuloy ya ipalapag iray libro a para ed saray tobonbalo lapud diad sakey a mundon napno na druga tan imoralidad, sayan libro so singa sakey a sanbason ambetebetel, makarepreskon danum.”

Nilikud ed impanalaysay to ed masterbasyon tan homoseksualidad, kobrian na sayan libro so panag-usar na druga tan mabayanin iinumen, galaw, musika, sayaw, panagdate, panagkaraw, tan dakel nin arum a teman mangapekta ed saray tobonbalo. Awaten so sakey a kopya diad panulat tan pangibuson ed kaiban kupon.

Ipangasin ipawit, libre-koreo, so masekder-apis, 192-pahinan libron Your Youth​—Getting the Best out of It. Ilaktip ko so ₱12.