“Kapiganman a Lalon Basaen Mo, Diman Lalon Labay Mo”

“You Can Live Forever in Paradise on Earth so libro na saray libron komadua lambengat ed Biblia,” so insulat na sakey a managbasa ed Pilipinas. “Sikato so labay yo ed amin a puso yo tan kamarerwa yo. Amiddua lan binasak itan a libro a manlapud apis ya anggad apis, ingen ta kailiw ko lamet a basaen. Kapiganman a lalon basaen mo, diman lalon labay mo. Satan so makaibangat a tuloy. . . . Say libro, no iyaplika, so magenap a mamalinsuek ed mundo.”

Sayan makapasagyat a palapagan so walaan na 256-pahina, parehon kabaleg na sayan magasin, tan masulok a 150 makaibangat iran ilustrasyon, maslak ed mararakep a kolor. Sulatan tan ibuson so kaiban kupon, a tekep na ₱35, tan awaten yo so kopya.

Ipangasin ipawit, libre-koreo, so masekder-apis a libron You Can Live Forever in Paradise on Earth. Ilaktip ko so ₱35.