‘Sikara so Labalabay na Ugugaw’

Nanggayagaan na nilaksalaksan pamilya so My Book of Bible Stories. Say karga ton 116 a salaysay na Biblia so mangiter ed managbasa na ideya ed no anton petepeteg so Biblia. Natan sayan 256-pahinan libron Bible Stories so nirekord ed apatiran Cassette tapes a tekep na makapaligsay-puson pananagyat ed saray ugugaw. Insulat na sakey ya ina ed Vancouver, British Columbia:

“Agko nibalikas ed sikayo so agaylan gayagan naawat ko diad impakawalaan ko ed sarayan tapes ed abung mi. Siak so walaan na 2 anak a bibii, a manedad na 10 tan 6, tan labalabay dan tumboken iray estorya a saray libro so sankaegnaan da. Aromog ko met a baleg a tulong diad panulong ed samay kayugtanan ko a manbasa, unong ta nayarian ton tumboken so kaslakan ed saray salita ed libro. Nayarian ton tumboken so ngalngalin 30 estorya tan siansian labalabay to.”

No agyo ni agawaan so ontan, seguroen yo so makala na sarayan cassette tapes a para ed saray walad kalangweran yo. Ontalineng ed saray estorya a mankakasakey a bilang pamilya. Odino nayarin saray ugugaw tan saray kakaiba ra so mamaknol ed saray tapes. Say album a walaan na apatiran cassettes so ₱120 lambengat; karukey: 5 1/2 oras.

Ipangasin ipawit ed siak, libre-koreo, so album na apatiran cassette tapes na My Book of Bible Stories. Ilaktip ko ₱120. (Para ed presyo ed arum a bansa, ipangasin sulaten so opisina na Watch Tower Society ed satan a lugar.)