“Ilalo ed Magmaong a Mundo”

Legan ya ondadalaw ed Montreal nen Hulyo 1985, atilak nen Gilles Le Sieur so balis to ed subway train. Diad samay agew kayari na insempet to, ngalngalin 260 kilometros a manlapud Montreal, naawat to so tawag ed telepono a nanlapud sakey a biin walad kalangweran ya akaromog ed bag. Si Gilles tan say asawa to so pinmawil ed Montreal a mangala. Sanen sikara so linma, angiter ira na sakey a kopya na libron You Can Live Forever in Paradise on Earth ed biin walad kalangweran. Ngalngalin duaran simba ed saginonor, sikara so akaawat na manangapresyan sulat a nanlapud saman a bii, a kuanto ed kabiangan:

“Agko amta no siopa ed sikatayo so angiter na babaleg a serbisyo nen imbeneg a simba. Anggaman agko inilaloan so katumangan, siak so asagyat diad pisasalamat ya impanengneng yo ed siak. Nagkalautlan inapresyak so katuaan a nilabay yon ipanabang ed siak so sengegan na liket yo. . . . Asumpal ko lan abasa so libron inter yo ed siak, tan diad panaon a pamabasa ed sayan sulat, sakey ed saray kakaarok so mamabasa. Susto kayo nipaakar ed gungguna ya iter na sayan libro. Aliwa lambengat ya inikdan toak na ilalo ed sakey a mundon magmaong noagta inebatan toray dakel a tepet ya agbalot naebatan na relihyon ko. . . . Itutultuloy ko so pamabasa ed Biblia tekep na pilalek a mangipakurang na magmaong a bilay.”

Sayan biin walad kalangweran so angitultuloy ed panaaral to na Biblia tan, sinmabi panaon, nagmaliw a sigpot-panaon a ministro na maong a balita a naaral to. Say Makapambilay Kayo na Ando lan Ando ed Paraiso diad Dalin so instrumento diad panamasimbalo ed dakel a bilay na totoo a para ed magmaong. Say libro, parehon kabaleg na singa sayan magasin, so manasalaysay ed ngalngalin amin a bangat na Biblia tan kinarga to so masulok a 150 makaibangat iran ilustrasyon. Pian sayan makanakanan palapagan so naawat, sulatan tan ibuson so kaiban kupon.

Ipangasin ipawit, libre-koreo, so 256-pahina, masekder-apis a libron Makapambilay Kayo na Ando lan Ando ed Paraiso diad Dalin. Ilaktip ko so ₱21.