Malaknab ya Inapresya so Awake!

Ipapalapag so Awake! ed 55 lenguahe, tan walaan na promedion niyiimprinta a 11,930,000 kopya a kada paway. Saray managbasa ed sankamundoan so manggagayaga ed satan tan nagugunggunaan ed satan, a singa ipatnag na saray sulat na apresasyon da. Say sangan opisina na Watch Tower ed Thailand so akaawat ed onggendan a kerew:

“Say eskuelaan mi so maparanay a makakaawat na magasin ya Awake! [Thai], tan naimano mi a say Setyembre 8, 1988, a paway so diad teman ‘Atateng,’ a nepeg a basaen na amin ya atateng na saray maneeskuela. Sikami sirin so malabay ya ipawitan yo na 250-400 kopya no wala pian ibunog ed ontumbok a miting na saray atateng/mamaestro.”

Sakey a bii ed Roanoke, Virginia, E.U.A., so nansulat: “Siak so sakey a debotadon membro na Baptista, balet siak so akala na sakey ed saray palapagan yo ya Awake! diad kaabay a Laundromat tan siak so aliwawaan. Satan so nanggayagaan kon binasa. Siak dia so mangilalaktip na [$5 tseke], a ditan et siak so ipawitan yo na sakey taon a suskripsion ed Awake!”

Liknaen min sikayo met so nagunggunaan ditan tan panggayagaan iray makapasagyat ya artikulo ed Awake!

Ipangasin ipawit so sakey taon a suskripsion ed Awake! Ilaktip ko so ₱60.00 a para ed 24 a paway na sayan magasin (2 kopya ed sakey bulan).