Nilaksalaksa So Onla. Sika?

Onlad iner? Diad tinaon a pananumpal ed impatey nen Jesu-Kristo. Nen 1991 sakey a sankamundoan a dagup na 10,650,158 so inmatendi. Akin a saray totoo so oonla? Lapud kabaliksan na impatey nen Kristo parad katooan. Kabaliksan na saya so asingsingger lan kaekal na sakit, kairapan, tan patey. Anggan saray inadaron inaatey so napaoli ed bilay diad dalin a nipawil ed Paraiso. Panon a say impatey nen Jesus so mangitarok na ontan iran bendisyon? Sikayo so iimbitaan a mangamta ed saya. Saray Tasi nen Jehova so mangabrasa ed sikayon mibiang ed sikara legan na sayan importanten ebento. Onatendi ed Kingdom Hall a sankaasinggeran ed ayaman yo. Diad sayan taon say petsa et Biernes, Abril 17, kaselek na agew. Kabaten ed saray Tasi nen Jehova ed lugar yo so eksakton oras.